Dünyaca məşhur yazıçılar ayağa qalxdı

Dünyaca məşhur yazıçılar ayağa qalxdı
10 dekabr 2013
# 15:27

Dünyaca məşhur yazıçılar, o cümlədən Nobel mükafatçıları Orxan Pamuk, J.M. Coetzee, Elfriede Jelinek, Günter Grass və Tomas Tranströmer, eləcə də Umberto Eco, Don DeLillo Amerika Milli Təhlükəsizlik Agentliyinə qarşı açıq məktuba imza atıblar.

Məktubda deyilir ki, Amerika hökumətinin mobil rabitə və interneti total şəkildə izlənməsi dünyada fikir azadlığına ziyan vurur. Bu həm də bəşəriyyətin əldə etdiyi böyük uğurlardan biri olan günahsızlıq prezumpsiyasını pozur, günahsız insanlara şübhəli kimi yanaşılır.

10 dekabr – İnsan Haqları Günündə yayılan müraciətə imza atan yüzlərlə yazar dünya boyu hökumətləri və korporasiyaları vətəndaşların şəxsi həyatına hörmət etməyə çağırıblar.

Yazarlar BMT-dən xahiş edirlər ki, rəqəmsal haqlar barədə beynəlxalq konvensiya hazırlanıb qəbul edilsin. Orada hansı şəxsi məlumatların hansı hallarda kim tərəfindən əldə edilə bilməsi aydın göstərilsin.


“The Guardian” qəzeti yazır ki, ABŞ öz müttəfiqləri Britaniya və Avstraliya ilə birlikdə BMT-də rəqəmsal şəxsi həyatla bağlı hazırlanan qətnamə layihəsinin sərt alınmamasına çalışır.

Amerikanın “The Huffington Post” qəzeti müraciətin təşəbbüskarlarından olan danimarkalı yazar Janne Teller-in fikirlərinə yer ayırıb.

O deyir ki, kütləvi nəzarət demokratiyaya zərbə vurur: “Biz şokdayıq ki, niyə buna qarşı daha çox adam çıxmır”.

Teller 500-dən artıq yazarın imzasının siyasətçilərə təsir edəcəyinə, müraciətin ictimaiyyət üçün olan versiyasına sadə amerikalıların da imza atacağına ümid edir. Çünki, yazarın fikrincə, nəzarət altında olan insan azad insan sayıla bilməz, bu isə Amerika cəmiyyətinin söykəndiyi təməl prinsipə - insan azadlıqlarına ziddir. Müraciətdə deyilir ki, rəqəmsal sferaya kütləvi nəzarət əslində oğurluqdur, çünki yalnız insanın özünə məxsus olan, onun şəxsi həyatına, davranışına aid olan məlumatların gizli şəkildə əldə edilməsidir.

oxuzalı.az

# 1745 dəfə oxunub

Oxşar xəbərlər

Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
# # #