Göz yaşımı sənə hədiyyə verəcəyəm...
Saxla onları bir çiçəyin ləçəyində.
Bir gecənin həsrətində mənsiz qalsan ağlama,
qəlbim yanar...
Həsrətindən ağladığım gecədən
Göz yaşımı saxladığın çiçəyi
Məzarıma gətir...
Özüm-özümü ağlaram...
Sənin gözün nəmçiməsin.
Kişilər ağlamaz axı, daş ürəklim?!
***
Getsəm bu dünyanın o üzünə,
Öpsəm yalnızlığın soyuq dodaqlarını.
Heç dönməsəm dəli ruzigarın məni gətirdiyi bu yerlərə
Başımı o dünyanın çiyninə söykəyib
ağlasam için-için...
Gələcəksənmi?
Olmaz! Demişdin...
Uzaqlar yasaqmış,
Xəyanətmiş başqası ilə öpüşmək,
Səni öldürərmiş başqasına sığınmağım...
İçimdə tənhalıq sevgisi
Olmazların sərhədini keçib gedirəm...
Gələcəksənmi?
Qönçə Cabbarova
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər