“Flavorvire” saytının əməkdaşı Jason Diamond ədəbiyyat tarixinin ən məşhur itkin mətnlərinin arxasınca düşüb.

Kulis.az o mətnlərdən bəzi nümunələri təqdim edir.

Qoqolun “Ölü canlar”ının ikinci və üçüncü hissələri

Rus ədəbiyyatının şedevrlərindən biri sayılan “Ölü canlar” əslində yarımçıq qalmış əsərdir. Qoqol Dantenin “İlahi komediya”sından təsirlənərək yazmağa başladığı “Ölü canlar”ı 3 hissə etməyi planlaşdırıb. Ancaq ilk hissənin çap olunmasından sonra böhran keçirən yazıçının bir rahibin təsiri altına düşərək digər iki hissəni yandırdığı deyilir.

ABŞ yazıçısı Herman Melvillin "Isle of the Cross" (hərfi tərcüməsi: “Xaç adası”) əsəri

Naşirlərin “Mobi Dick” kimi romanı yazmış bir yazıçının ikinci əsərini qəbul etmədiklərini düşünmək olmur. Bütün hallarda bu amerikalı yazıçının "Isle of the Cross" adlı əsərinin başına nə gəldiyi bəlli deyil.

Markiz de Sadın əlyazmaları

Markiz de Sad atasının ölümündən sonra yayımlanmış bütün əlyazmaları yandırmışdı...

Artur Rembonun “La Chasse spirituelle" (hərfi tərcüməsi: “Ruhani ov”) şeiri

Bu şeir Rembonun ən yaxşı şeirlərindən biri sayılırmış. Amma şeirin yazıldığı dəftər, çox təəssüf ki, Rembonun dostları tərəfindən oğurlanmışdı.

Silviya Pltanın ikinci romanı

"Double Exposure" (“İkili ekspozisiya”), yaxud "Double Take"... 1963-cü ildə Silviya Platın ölümü ilə yarımçıq qalmış romanın adı bunlardan biri olmalı idi. 1970-ci illərdə isə bu yarımçıq əlyazma tamamilə yoxa çıxdı.

• Məşhur reper qəzada öldü
• ƏSA Teatrının hazırladığı “Paris Notr-Dam” tamaşası nümayiş edildi
• Milli Xalça Muzeyində “Yaddaşa həkk olunan təsvir” adlı fərdi sərgi açıldı