“Hiylə” - Anton Çexov
Keçmişdə İngiltərədə ölüm cəzasına məhkum olunmuş cinayətkarlar cəsədlərini fizioloq və anatomlara satmaq haqları varmış. Bu şəkildə əldə olunan pulları bəzisi içkiyə xərcləyir, bəzisi də ailəsinə miras qoyurmuş.
Qorxunc bir cinayət işləyən bu məhkumlardan biri həkimə xəbər göndərir. Uzun və yorucu prosedurun sonunda özünü çox baha qiymətə sata bilir. Amma həkimdən pulu alan kimi birdən qəhqəhələrlə gülməyə başlayır. Həkim təəccüblə soruşur:
- Niyə gülürsünüz?
- Siz məni elə bildiz məni asacaqlar, ona görə aldınız. Amma mən sizi aldatdım. Məni yandıraraq öldürəcəklər. Ha...ha...ha...
“Qatil səhifə” - Xulio Kortasar
Şotlandiyada bir şəhərdə içində ixtiyari bir səhifəsi boş olan kitablar satılır. bu kitabı oxuyan adam günorta saat üç tamamda o səhifəyə çatırsa o zaman ölür.
“Yola düşmək” – Franz Kafka
Dərhal əmr etdim ki, tövlədən atımı gətirsinlər. Qulluqçu əmrimi başa düşmədi. Buna görə tövləyə özüm getməli oldum. Yəhəri atın üstünə atdım və bağladım.
Uzaqdan bir trompet (truba musiqi aləti) səsi eşidilirdi. Qulluqçudan bunun nə səs olduğunu soruşdum. O heç bir şey bilmirdi, onsuz heç nə eşitmirdi. Düz bağçanın qapısında yolumu kəsdi və:
- Hara gedirsiniz?
- Bilmirəm. Yalnız burdan bayıra çıxmaq istəyirəm. Yetər ki, burdan bayıra olsun. Məqsədimə çatmağın yeganə yolu budu.
- Yəni məqsədinizin nə olduğunu bilirsinizmi?
- Bəli, bir az əvvəl dedim də, burdan bayıra çıxmaq istəyirəm.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər