Gözü yolda qalan nənəm

Gözü yolda qalan nənəm
27 oktyabr 2015
# 10:29

Saqif Zeynal

ŞEİRLƏR

Gözü yolda qalan nənəm

Gözü yolda qalan nənəm,

Göz oynatdı nəvələrin.

Yolları da yığıb getdi

Ömür yüklü dəvələrin...

Yurd-yuvası talan nənəm,

Qürbət səni isitmədi.

Gözlədiyin gün doğmadı,

Əkdiyin ağac bitmədi.

Ömrü, günü yalan nənəm,

Nə qaldı yalan olmadı?!

Gözün yol çəkən yollarla

Gözlədin gələn olmadı...

Gözü yolda qalan nənəm,

Yollar bunu bilən deyil.

Min illərdi gəlməyənin,

Bircə günə gələn deyil...

... getmək üçündü

Sonsuzluğun o üzündən

Məni çağırır uzaqlar.

Bilirsənmi, gedənlər yox,

Qalanlar uduzacaqlar...

Gedəcəyəm buralardan,

Ax, bu necə xeyir-şərdi?!

Buralar ki, Allahın da

Gözündən düşdüyü yerdi...

Buralarda hər şey, hər şey...

Sonuncu nəğmələr kimi

Oxunub bitmək üçündü.

Bir doğma da gətirməyən

Bu yollar getmək üçündür...

# 1271 dəfə oxunub

Oxşar xəbərlər

"Məktəb tikdirmək istəyirsə..." - Şərurlu İsfəndiyara cavab

"Məktəb tikdirmək istəyirsə..." - Şərurlu İsfəndiyara cavab

16:18 4 aprel 2025
Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
Folklor və postmodern təhkiyə - Elnarə Qaragözova

Folklor və postmodern təhkiyə - Elnarə Qaragözova

15:00 23 mart 2025
#
#
# # #