Yağmur damlalarından fərqli deyilik...
Sən qızıl gözlü mələksən,
Aldanışların qədər məsum,
Məsumiyyətin qədər günahkar.
Heç mənim olmadın,
Heç sənin olmadım.
Heç bitməyən günahlar kimi
Həyata sadiqəm bu gecə.
Yaşaya bilməyəcəyimiz xəyalları,
Birlikdə keçməyəcək illəri,
Əl-ələ qaça bilməyəcəyimiz
Çölləri də al və get!
Acımasız deyiləm,
Mənasız bir əyilimdi eşq,
Çünki 21-ci əsrdəyik
Və dənizə düşən
Yağmur damlalarından fərqli deyilik.
Hər şey bəsitdir artıq,
Hisslərim kapitalizm kimi
Və ürəyimə hər üsyanım
Puçluqla qurtaracaq,
Bir adam seçiləcək sonra,
Qalın bir iplə ruhundan asılacaq.
Bax o mənəm,
Sənin Vətən dediyin ürəyim,
Mən vətən xainiyəm, sevgilim.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər