Ədəbiyyat üzrə Nobel mükafatına namizədlərə bukmeker kontorlarında verilən əmsallarda dəyişiklik baş verib. Kulis.Az-ın Böyük Britaniyanın nüfuzlu “Ladbrokes” bukmeker kontorunun rəsmi internet saytına istinadən verdiyi xəbərə görə 7 əmsalla 3-cü yerdə olan kanadalı Alice Munro 4 əmsalla mükafatın əsas favoriti, 5 əmsalla ilk sırada olan yapon Haruki Murakamini qabaqlayıb. Belorus Svetlana Aleksiyevit 6 əmsalla 3-cü sıraya qalxıb. 6 əmsalla ikinci sırada qərarlaşan amerikalı Coys Karol Oates və macar yazıçı Peter Nadas 8 əmsalla 4-cü və 5-ci yeri bölüşürlər.

14 əmsalla 9-cu yerdə olan suriyalı şair Adonis isə 11-ci pilləyə enib.

Umberto Ekoya verilən əmsalda da dəyişiklik baş verib. 50 əmsal verilən italiyalı yazıçıya hazırda 25 əmsal verilir.

• Samira Bağırova: "Quranı bütləşdirmək bütpərəstlikdir..." – Açıqlama
• Qədir Rüstəmov kimdir?
• Rus Dilinə Qarşı Qərəz: Əsl Səbəb Nədir? - Ayaz Salayev

İlk onluqdan kənarda qalan Bob Dilan (50), israilli yazıçı Amos Oz (16), çex Milan Kundera (25), britaniyalı Salman Rüşdi (40), ispaniyalı Enrike Vila-Matas (66), rusiyalı şair Yevgeni Yevtuşenko (100) və amerikalı Pol Osterun (100) əmsallarında hər hansı bir dəyişiklik olmayıb.

Mükafatın builki qalibinin adı bu gün Bakı vaxtilə saat 16.00-da açıqlanacaq.

İsveç Kral Akademiyasının 1901-ci ildən təqdim etdiyi ədəbiyyat üzrə Nobel mükafatı keçən il bukmeker kontorlarında 2-ci yerdə olan çinli yazıçı Mo Yana verilmişdi.

Ədəbiyyat üzrə Nobel mükafatı dünyanın ən nüfuzlu ədəbi mükafatı hesab olunur. Mükafatın qalibinə 1,1 milyon dollar pul mükafatı verilir.

• Samira Bağırova: "Quranı bütləşdirmək bütpərəstlikdir..." – Açıqlama
• Qədir Rüstəmov kimdir?
• Rus Dilinə Qarşı Qərəz: Əsl Səbəb Nədir? - Ayaz Salayev