Bu gün məşhur muğam ifaçısı, Xalq artisti Qəndab Quliyevanın doğum günüdür.
Kulis.az bu münasibətlə xanəndə haqqında maraqlı faktları təqdim edir.

Quliyeva Qəndab Həbib qızı 1949-cu il avqustun 10-da Füzuli rayonunun Dilağarda kəndində anadan olub.
1976-1980-cı illərdə Azərbaycan Dövlət Musiqi Məktəbində, 1991-1996-cı illərdə Azərbaycan Dövlət Musiqi və İncəsənət Universitetində təhsil alıb. İlk muğam müəllimi Nəriman Əliyev olub.

***

1981-ci ildə Azərbaycan Dövlət Opera və Balet Teatrında solist kimi fəaliyyət göstərib. Leyli, Əsli, Şahsənəm, Gülbahar, Xanəndə qız kimi aparıcı rollar ifa edib.

Xanəndənin repertuarına muğamlar, dəstgahlar və təsniflər daxildir.
Onun ifasında “Xaric segah”, “Şahnaz”, “Mahur-hindi”, “Bayatı-Şiraz”, “Şur” muğamları AzTVnin Qızıl Fondunda saxlanılır.

***

“Xaric segah” muğamını heç kim onun kimi ifa edə bilməyib.

***

Qəndab Quliyevanın səhhətində problem olsa da, ölümü ailəsi və sənət camiəsi üçün gözlənilməz olub.
Oğlu Hafiz Həmidov xatırlayır:

“Onun ölümü müəmmalı oldu. Xəstəxanaya öz ayağı ilə getmişdi. Həkim dedi ki, üç-dörd günlük müalicə olunub çıxacaq. İki-üç gün xəstəxanada qaldı. Həkim dedi, heç bir problemi yoxdur. Mən də dedim, onda işə gedim, qayıdacam. İşə getdim, üstündən bir saat keçmişdi, həkim zəng vurdu ki, bir dərman var, təcili lazımdı, bizdə o dərmandan yoxdu, onu al, gəl. Dərmanı alıb gətirəndə gördüm, anam palatada yoxdu. Onu reanimasiyaya aparmışdılar. Baş həkim dedi, komaya düşüb, səbəbini həkimindən soruşun, mən deyə bilmərəm. Həkiminin yanına getdim, yerində olmadı, zəng vurdum, dedi, biz özümüz ona iynə vurub yatırtmışıq. Bir-iki gün orada qalacaq, çıxaracağıq. Sonra da həkim telefonlarını bağladı. Nəticəsi də belə... Anamın ölümü müəmmalı oldu.”

Tarzən Möhlət Müslümov deyir ki, bütün müəllimlər onun səsinə vurğun olub. Onu dinləmək üçün sinif otağına yığışarmışlar. Hamı deyirmiş ki, Qarabağdan yeni səs gəlib .

Xəstəxanaya düşməzdən əvvəl çox kədərli mahnılar zümzümə edirmiş. Oğlu Hafiz deyir, elə bil ürəyinə dammışdı ki, bizimlə vidalaşacaq.
Qəndab xanım əvvəlcədən deyib ki, məni Binə qəbiristanlığında, - anamın yanında dəfn edin.

***

Qəndab Quliyeva 2017-ci ilin əvvəllərində üç dəfə insult və infarkt keçirib.
O, 16 iyun 2017-ci ildə görə xəstəxanaya yerləşdirilib.
26 iyun 2017-ci ildə isə vəfat edib.

• 250 nəfərlik orkestrin canlı müşayiəti ilə “Üzüklərin hökmdarı”
• "Əxlaq - dualar, hədislər və şəriət qanunları demək deyil!" - Yeni dünyanın yeni əxlaqı necə olmalıdır?
• "Bunlar rəqs deyil!" - TikTok üçün uşaqları korlayan valideynlər və "rəqs müəllimləri"