Kinoşünas Hacı Səfərov rejissor Ayaz Salayevi və Xalq artisti, aktrisa Şəfiqə Məmmədovanı tənqid edib.

Kulis.az xəbər verir ki, kinoşünas Azərbaycan Kinosu Günü ilə bağlı keçirilən tədbirdən imtina edib.

"Kino Günü ilə əlaqəli tədbir olub. Əslində, mən də dəvətli idim, amma Ayaz Salayev və onun timsalında digər vaxtı keçmiş "kino adamları"nın mənasız söhbətlərinə dözümüm qalmadığı üçün getməməyi seçdim. Otuz ilən çoxdur müstəqilik və ortada hələ də heç bir nəticə yoxdursa, bunun müsəbbibi olan şəxslərin danışıqlarına qulaq asmaq, onları alqışlayan insanlara baxmaq sadəcə vaxt itkisidir.

Kinoşünas Xalq artisti, aktrisa Şəfiqə Məmmədovanı da qınayıb:

"Seçimimdə yanılmamışam. Şəfiqə Məmmədova mükafat verəndə söz atıbmış ki, əsas mükafat hesabdadır. Nə böyük şey olub, pul vermisiniz, hələ bir bunu dilə də gətirirsiniz. Guya Aydın Kazımzadənin sizin verdiyiniz pulla həyat keyfiyyəti artacaq. Halbuki Aydın Kazımzadənin haqqını ödəmək üçün gərək illik büdcənizi verəsəniz, sonra da üzr istəyəsiniz. Heç olmasa, sizi ittiham edən, pul yediyinizi iddia edən mətbuat katibinizdən utanın. Tarkovski demiş, siz axı onu ən çox tanıyır və ideallaşdırırsınız. Dünyanı utanmaq hissi xilas edəcək. O da sizdə yoxdur. Axırda da iki ildir heç bir bədii film çəkilmədiyi üçün konsert ediblər. Əvvəlki illərdə film nümayişləri olurdu. Bu dəfə belə gətirdi. Təklif edirəm ki, gələn ilə qədər yenə heç bir film olmasa, bu dəfə mənim yutub videolarımı qoşarsınız. Həm bir-iki şey öyrənərsiniz, həm də baxış sayım artar, kimə nə ziyanı var"

• "Heç bir “izm” istedadsız müəllifin köməyinə çata bilməz..." - Zamanına oxşayan "səksənincilər"
• Əlisəmid Kürün son vəziyyəti - Həyat yoldaşından açıqlama
• Xalq rəssamı Elmira Şahtaxtinskayanın xatirəsi yad edildi