Öpdüm gözlərinin karantinindən... – Elvin Bakiroğludan yeni şeirlər

Öpdüm gözlərinin karantinindən... – Elvin Bakiroğludan yeni şeirlər
10 aprel 2020
# 18:30

Kulis.az Elvin Bakiroğlunun yeni şeirlərini təqdim edir.

Son üç ayda heç kim qucaqlaşmadı,
heç kimə dəymədi əlcək əllərin.
əlini çəkdiyin çox olsun, qadın,
ay görüm çox olsun əl çəkənlərin.

hamının maskası düşdü, darıxma,
hamıyla eynisən indi mənimçün.
bu qərib ölkədə bir də ki baxma,
maskasını taxan kimdi mənimçün?

sən məndən üzünü yarı çevirib,
elə bil dönmədin tamam dinindən.
üzümü balkona sarı çevirib,
öpdüm gözlərinin karantinindən.

***

içimdə bir şimşək çaxır
sən yadıma düşəndə.
bir şimşək çaxır
və gözünü qırpır bulud
bir xatirə eşidilir uzaqdan:
“olmadı, bir də.”

ikimizi görəndə
gələcək də qışqırır üstümə:
“çıx şəkildən.”
heç mənə də gərək deyil
içində sən olmayan
bu yarımçıq şəkildən.

saatlar vaxtın əlifbasıdı
və gün içində 24 hərf var.
bil ki bütün hərflər eynidi,
düşünmə ki bunda bir səhv var
və bil ki bütün saatlar birdi,
bütün birlər sənsən.
mən öldükcə çoxalırsan,
bu qəbirlər sənsən.

fikir ver ki demirəm yuxusuzam,
deyirəm ki
boşalmış çaydanlığam,
dolmuş külqabıyam.
fikir ver ki demirəm tənhayam,
deyirem ki
bir tayı itmiş ayaqqabıyam.
fikir ver ki demirəm qapındayam,
deyirəm ki qapıyam.

sən yadıma düşəndə
bir hekayə başlayır: “kölgə və dam”
içimdə bir adam dama çıxır,
damda bir kölgə görünür,
kölgə son dəfə uçur,
və yaranır izdiham…
sən yadıma düşəndə
bu hər dəfə təkrarlanır.
bax mən o kölgələrdənəm,
bax sən o izdihamlarsan.

adamlar torpağın vətənidi,
vətən adamların sevdikləridi,
sən mənim sevdiyim adamlarsan.

# 3759 dəfə oxunub

Oxşar xəbərlər

Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
# # #