Kitab təqdimatında yoqa göstəriləcək

Ədəbi tənqid

Ana səhifə
Ədəbi tənqid

Kitab təqdimatında yoqa göstəriləcək

9 iyun 2011

18:53

İyunun 10-da saat 18-00-da Park Bulvarda yerləşən Əli və Nino kitab mağazasında Rasim Niyazın “Yoqa” kitabının təqdimatı olacaq. Kitab “Qanun” nəşriyyatında çap olunub.

Kulis.az-ın verdiyi xəbərə görə kitabın təqdimatı fərqli olacaq. Kitabın müəliifi və onun şagirdləri yoqa tapşırıqlarını iştirakçılara nümayiş etdirəcəklər.

Kitabın annotasiyasında yazılıb: “Yoqa qədim və ali mədəniyyətdir. Ali mədəniyyətə yiyələnmə şəxsi gücün artmasına səbəb olur. Şəxsi gücün artması Universal iradəyə yol açır. Universal iradədən şüurlu istifadə etmək qabiliyyəti həyat şəraitinin formalaşdırılmasına imkan verir. Bu qabiliyyət “təbii magiya sənəti” səviyyəsinə malik olmaq deməkdir ki, insan gündəlik ruzu uğrunda arası kəsilməyən mübarizədən azad olunur. Gündəlik ruzi insana və onun ailəsinə lazımi və ideal həcmdə öz-özünə gəlir, sanki hadisələr həmişə müvəffəqiyyətlə onun xeyrinə formalaşır”.

Elmin HƏSƏNLİ