Kitab Bayramında iynə yerə düşmürdü FOTO-REPORTAJ-VİDEO

Ədəbi tənqid

Ana səhifə
Ədəbi tənqid

Kitab Bayramında iynə yerə düşmürdü FOTO-REPORTAJ-VİDEO

27 may 2011

13:45

Bu gün Filarmoniya bağında Mədəniyyət və Turizm Nazirliyinin təşkilatçılığı ilə 4-cü Kitab Bayramı başlayıb.

Kitab yarmarkası çərçivəsində nəşriyyatlar, kitab dükanları özlərinin stendlərini qurublar. Yarmarkada prezidentin sərəncamı ilə latın əlifbası ilə yenidən nəşr olunan, habelə müxtəlif mövzular üzrə (din, mədəniyyət, tarix, fəlsəfə və s.) ədəbiyyat sərgilənib.

Bayrama şəhər sakinləri, kitab həvəskları ilə yanaşı, yazıçıları, tənqidçilər, ədəbiyyat adamları, naşirlər də qatılıblar. Yarmarkada oxucular yazarlarla birbaşa təmasda olmaq şansı da qazanıblar.
Bu ilk dəfə olaraq Bakı Şəhər Mərkəzləşdirilmiş Kitabxana Sistemlərinin internet saytlarının təqdimatı da olub.

Kitab bayramının ən böyük iştirakçılarından biri olan “Qanun” nəşriyyatının direktoru Şahbaz Xuduoğlu “Kulis”-ə açıqlamasında deyib ki, artıq bu cür tədbirlərdə 3-dü dəfədir iştirak edirlər: “Belə tədbirlər çox əhəmiyyətlidir. Bu oxucularla naşirlər, yazarlar arasında körpüdür. Nəşriyyatların da bir-biri ilə əlaqə qurmasında böyük rol oynayır. Belə sərgilər imkan verir ki, digər həmkarlarımızın işləri ilə tanış ola bilək. Burada həm də oxucuların zövqünü müəyyən edə bilirik. Bu baxımdan, bu cür yarmarkaların keçirilməsi vacibdir”.

Şahbaz Xuduoğlunun sözlərinə görə, “Qanun” nəşriyyatı yarmarkaya keçən il 30 kitabla iştirak edirdiksə , bu 230 kitabla qatılıb. “Əgər keçən il bizim sərginin qabağında bir neçə yazar var idisə, indi onların sayı çoxdur. Yazarla birbaşa oxucularla ünsiyyətdə ola bilirlər. Oxucular kitabları alıb müəlliflərindən avtoqraf alırlar. Yəni belə tədbir kitab aləmindən olan adamları bir yerə yığır”.

Ötən ilin ən çox satılan kitablarından biri olan“Yad dildə” romanın müəllifi yazıçı Pərviz Cəbrayıl isə deyib ki, bu tədbirin yalnız xeyri ola bilər: “Təəssüf ki, bu ildə bir dəfə keçirilir. Çox yaxşı olardı ki, tez-tez, hətta ayda bir dəfə baş tutsun”.

Günel ƏSGƏRZADƏ
Fotolar: Elmin Həsənli