Ədəbi tənqid

Qol əvəzinə quş qoyan şairin Stalin şeiri

Qol əvəzinə quş qoyan şairin Stalin şeiri
20 noyabr 2012
# 11:45
Layihə-37

Kulis.az 1937-ci ildə çap edilmiş maraqlı yazıların bu layihə çərçivəsində dərcini davam etdirir. Bu dəfə Qazaxıstanın ordenli aşığı olmuş Çambul Çabayevin Stalinin şəninə qoşduğu şeiri təqdim edirik.

Çambul Çabayev

Qazaxıstan xalqının ordenli aşığı

Mən Stalini dinlədim

Geyərək qürubun son şüasını
Yanır gövhər kimi Aladağ qarı.
Ulduzlar parlayır, alma bağında,
Radio səslənir axşam çağında.

Qaşlarım çatıldı, sərt baxışla mən,
Dinlərəm bu səsi sevinclə. Həmən,
Çırpınır yenidən köksümdə mənim
Bir gənc ürək kimi qoca ürəyim.

İspaniyada qan, Mancuriyada qan,
Həbəş ölkəsində qanlıdır hər yan.
İştə, bu zamanda uzaq Kremlin
Böyük sarayında ildırım təkin
Gurlayan alqışlar, dağ axınılə
Səslənib gətirir bizə hədiyyə.

Könülləri açan, yeri oyadan,
Rəhbərin sədası yayılır haman.
Dünya həyəcanlı, səssizdir, fəqət,
Yer üzündə çatmış tarixi saət.

Qüvvətlə səslənir tribunadan,
Rəhbərin dühalı sözləri əlan.
Qazaxlar düzlərdə, gürcülər dağda,
Belaruslar çöldə, ziryanlar bağda,
Dinləyir rəhbərin parlaq səsini,
Saxlayır yadında hər kəlməsini.

Bu sözlər alovlu və qüdrətlidir,
Ata qayğısından məhəbbətlidir.
Nə dolğun, inamlı, gözəl ifadə,
Büllur kimi şəffaf, aydın və sadə.

Səslənir dünyaya Konstitusiya,
Onun hər kəlməsi sanki bir şüa,
Ziyadan işıqlı, ulduzdan parlaq,
Avqust meyvəsindən təzədir, bir bax!

Bu şən günü necə unudayım mən,
Domburu çalmayıb oxumayım mən.
Könlüm quşu uçar rəhbərə doğru,
Bir cocuq sevinci bürüyər onu.

Sən, ey əsrlərin böyük dühası!
Verdin bizə xoşbəxt qanun əsası,
Deyirəm xalq ilə bütün ölkənin,
Sağ olsun atamız, doğma Stalin!

Ruscadan çevirəni: Əmin Sadiq

“Kommunist” qəzeti
14 fevral 1937-ci il

Hazırladı: Kənan Hacı
# 3485 dəfə oxunub

Oxşar xəbərlər

Natəvan Dəmirçioğlunun “Açar” romanı: dil və üslub xüsusiyyətləri - Leyla Məmmədəliyeva

Natəvan Dəmirçioğlunun “Açar” romanı: dil və üslub xüsusiyyətləri - Leyla Məmmədəliyeva

13:35 1 noyabr 2026
"O səs yaşadıqca mənim də ilk məhəbbətim yaşayacaq..." - Səhnəmizin kişi siması haqqında

"O səs yaşadıqca mənim də ilk məhəbbətim yaşayacaq..." - Səhnəmizin kişi siması haqqında

11:15 30 oktyabr 2026
"İstiqlal söhbətləri" - düşüncə ehtirası və alim qüruru - Elnarə Akimova

"İstiqlal söhbətləri" - düşüncə ehtirası və alim qüruru - Elnarə Akimova

16:00 27 oktyabr 2026
Silviya Platın psixiatrla qəribə dostluq tarixçəsi - Onların məktublarında nə yazılmışdı?

Silviya Platın psixiatrla qəribə dostluq tarixçəsi - Onların məktublarında nə yazılmışdı?

13:00 27 oktyabr 2026
"Onun sayəsində Latın Amerikasında heç kim əvvəlki kimi yazmağa davam edə bilmir" - Söhbət hansı yazıçıdan gedir?

"Onun sayəsində Latın Amerikasında heç kim əvvəlki kimi yazmağa davam edə bilmir" - Söhbət hansı yazıçıdan gedir?

12:00 26 oktyabr 2026
"Söylə, ey Tanrı, dizlərin nerədə..." - Cənab Şəhabəddin barədə düşüncələr

"Söylə, ey Tanrı, dizlərin nerədə..." - Cənab Şəhabəddin barədə düşüncələr

10:00 25 oktyabr 2026
#
#
Ana səhifə Reels Yazarlar Xəbərlər