Məni ovundurmayacaqsansa gəlmə yuxuma ŞEİR
16 oktyabr 2012
16:44
Yuxularıma gəlmə, istəmirəm
Neynirəm yuxuda görüm səni.
Oyanıb hey səni xatırlayacam,
Darıxacam, çox darıxacam səninçün.
Ağlayacam…
Silməyəcəksən ki, göz yaşlarımı
Yanıma gəlməyəcəksən ki.
Niyə ağladığımı soruşub
Məni ovundurmayacaqsan ki,
O zaman gəlmə yuxularıma!
Qoy yuxularım da sənsiz olsun
Həyatım kimi.
Qoy öyrəşim sənsizliyə yuxularımda da.
Can atmayım yatağa,
Gözləməyim gecəni,
Səni yuxuda görəcəm deyə...
Gəlmə yuxularıma,
Istəmirəm yuxuda görüm səni.
Xəyallarıma gəl o zaman,
Doyunca dərdləşək,
Əvvəlki tək qəhqəhə çəkib gülək,
Zarafatlaşaq.
Yanımda olmayacaqsan bilirəm
Görməyəcəm səni bir daha
Istəsəm də, sən də istəsən.
Amma xəyallarımdan itmə,
Canlandırım səni sən yanımdaymışsan təki.
Gülümsəyişini, baxışını, yerişini
Məni oxşayşını.
Sən də varsan xəyallarımda, mən də
Hər şey əvvəlki kimidir...
Sənsizlik ağrısı da yoxdur orda,
Sənsiz keçən yeknəsəq günlərin
Darıxdırıcılığı da.
Odur ki gəlmə yuxularıma!
Qonaq ol hər zaman xəyallarıma,
Canlandır onları.
Heç olmasa xəyallarım gözəl olsun səninlə, ata!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Daxili ambisiyalarla cəmiyyətin ritmi uyğunlaşmayanda..." - "Şeytan əməli" haqqında qeydlər
14:00
16 avqust 2026
"Vətən mənəvi ərazicə bu sayaq adamların varlığı ilə bütövdür... "- Seyfəddin Hüseynlinin yubiley yaşına
10:00
15 avqust 2026
Salamın 60 yaşına — 40 ildən çox gecikmiş, amma vaxtında yazılmış təbrik
10:30
13 avqust 2026
"Kor-koranə heyranlıq tarixin saxtalaşdırılmasına yol açır..."- Etimad Başkeçid
15:45
7 avqust 2026
Eliotla dostluq etdi, Freyd onunla şəxsən tanış olmaq istədi... - Pulitser mükafatlı kölgədə qalan "kosmik şair"
12:00
5 avqust 2026
Pasifist mövqeli Dante aşiqi - Onu niyə "macar modernizminin beyni" adlandırırdılar?
12:30
4 avqust 2026
