Sentyabrın 6-da mərhum şair Ağa Laçınlının həyat yoldaşı Mələk Əliyeva Prezident Administrasiyasının rəhbəri, Azərbaycan Respublikasının Korrupsiyaya Qarşı Mübarizə üzrə Komissiyasının sədri Ramiz Mehdiyevə və Baş Prokuror yanında Korrupsiyaya Qarşı Mübarizə İdarəsinin rəisi Kamran Əliyevə müraciət edib.
Mələk Əliyeva müraciətində bildirib ki, 1995-ci il yanvarın 27-də Səbail Rayon İcra Hakimiyyətinin 373 saylı sərəncamına əsasən, ailə başçıları Ağa Laçınlıya fərdi evin tikintisi üçün Badamdar qəsəbəsində torpaq sahəsi ayrılıb. Ağa Laçınlı vəfat etdikdən sonra da həmin torpaq sahəsi ailənin mülkiyyətində qalıb.
2011-ci ildə isə torpaq sahəsi zəbt olunaraq daş hasara alınıb: “Araşdırmalar nəticəsində məlum olub ki, torpaq sahəsi Səbail Rayon İcra Hakimiyyətinin keçmiş başçısı Rüstəm Məmmədovun həmin rayonda icra başçısı işlədiyi vaxt doğma anası Məmmədova Biliy Nəbi qızının adına verdiyi sərəncam əsasında zəbt edilib. Belə ki, Rüstəm Məmmədov Səbail Rayon İcra Hakimiyyətinin başçısı olan zaman, 1995-ci il martın 15-də 885 saylı sərəncam imzalayaraq anası Biliy Məmmədovaya torpaq sahəsi ayırıb. Bununla da Rüstəm Məmmədov vəzifə səlahiyyətlərindən sui-istifadə edib, yəni vəzifəli şəxsin xidməti vəzifələrinin icrası ilə əlaqədar özü və ya üçüncü şəxslər üçün qanunsuz üstünlük əldə etmək məqsədilə öz qulluq səlahiyyətlərindən qulluq mənafeyinə qəsdən zidd olaraq istifadə edib, mənim və ailə üzvlərimin qanunla qorunan mənafelərinə mühüm zərər vurub”.
Mələk Əliyeva qeyd edir ki, Rüstəm Məmmədovun əməllərində Cinayət Məcəlləsinin 308 (Vəzifə səlahiyyətlərindən sui-istifadə) və 188-ci (Torpaq üzərində mülkiyyət hüququnu pozma) maddələrinin tərkibi var.
Müraciətində Mələk Əliyeva Səbail Rayon İcra Hakimiyyətinin başçısı işlədiyi dövrdə Rüstəm Məmmədovun yol verdiyi əməllərin araşdırılmasını və onun məsuliyyətinin müəyyənləşdirilməsini istəyib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
"Tənhalığın ardınca insan ömrünün finalı gəlirsə..." - Nüşabə Hüseynli
16:39
17 noyabr 2025
"Əli ilə Ninonun münasibəti mədəni sintez və parçalanmanın modelidir..." - Sevgi nə qədər dözə bilər?
15:00
15 noyabr 2025
“Unuda bilmirəm. Amaliya Pənahova” bədii-sənədli filminin təqdimatı olub
14:00
15 noyabr 2025
Onların yeganə vəzifəsi cümlə düzəltməkdir? - Azərbaycanda bədii redaktor problemi
15:00
14 noyabr 2025
"Mən onun mətnləri ilə nəfəs alıram..." - Həmkarlarının Saday Budaqlı barədə fikirləri
17:24
13 noyabr 2025
"Dramı yaşayırlar, faciəyə isə layiq olurlar..." - Rolan Barta görə teatr bizə nəyi öyrədir?
10:52
12 noyabr 2025
