Yazıçılar Birliyinin sədrliyinə yeni namizəd
20 aprel 2011
09:38
Azərbaycan Yazıçılar Birliyinin (AYB) qurultayının vaxtı hələ dəqiqləşməsə də, qurum daxilində qrupdaxili mübarizə çoxdan başlayıb. AYB sədri postu uğrunda gizli savaşa qoşulanlar arasında isə daha çox birliyin üzvü, “Ulduz” jurnalının baş redaktoru Elçin Hüseynbəylinin adı hallanır. E.Hüseynbəylinin sədr olmaq üçün ciddi-cəhdlə mübarizəyə girişdiyi və ətrafına tərəfdarlar toplamağa çalışdığı vurğulanır. Ancaq hələlik bu mübarizə gizli şəkildə aparılır.
Qeyd edək ki, E.Hüseynbəyli mətbuata açıqlamasında dəfələrlə Yazıçılar Birliyini tənqid edib. Məsələn o, ötən il AYB-nin ətalətdə olan qurum adlandırmışdı: “Ədəbi proseslərin öləziməsində Yazıçılar Birliyi heç də sonuncu rolu oynamır. Birliyimiz hazırkı ətalətdən qurtulmalıdır”.
Verilən məlumatlara görə, E.Hüseynbəyli AYB-dəki yaxın ətrafına özünün qurum sədrliyinə ən şanslı və uğurlu namizəd olduğunu sübut etmək üçün səylər göstərir, həmçinin namizədliyinin dəstəklənməsi üçün özünə “dəstə toplayır” və qurultayda Anara qarşı çıxacaq. Yəni həmin qrup E.Hüseynbəylinin xeyrinə birlik üzvləri arasında təbliğat aparmalı və onun namizədliyinin üzvlərini əksəriyyətinin dəstəyini qazanmasına nail olmalıdır. Amma maraqlıdır ki, E.Hüseynbəyli yayılan məlumatları təsdiqləmir. O, “Yeni Müsavat”a açıqlamasında bildirdi ki, heç vaxt sədr olmağa iddiasını dilə gətirməyib: “Heç vaxt deməmişəm ki, sədr olmağa iddialıyam. Sadəcə, məni birliyin sədri kimi görənlər və bunu təklif edənlər var. Bizim ağsaqqalımız Anardır, birinci o fikrini bildirməlidir. Əgər o, namizədliyini verməsə, potensial iddiaçılar namizədlik barədə düşünə bilərlər ki, kim daha çox yararlıdır, kimin şansı böyükdür və sair. Anar müəllim deyib ki, fikrini qurultayqabağı bildirəcək. Mən ağsaqqalı əzib keçən adamlardan deyiləm. Ancaq müəyyən adamların fikri var ki, Anar müəllim namizədliyini verməsə, mənim sədr kimi namizədliyimi irəli sürsünlər”. Xatırladaq ki, E.Hüseynbəyli bir müddət əvvəl də açıqlamasında bildirmişdi ki, qurum sədrliyinə iddialılar məsələsində bir neçə namizədin adı hallanır: “Özləri bu barədə fikir bildirmədiklərinə görə o adamların adlarını açıqlamaq istəmirəm. Həmin siyahıda mənim də adım var”.
Yeni Müsavat
Qeyd edək ki, E.Hüseynbəyli mətbuata açıqlamasında dəfələrlə Yazıçılar Birliyini tənqid edib. Məsələn o, ötən il AYB-nin ətalətdə olan qurum adlandırmışdı: “Ədəbi proseslərin öləziməsində Yazıçılar Birliyi heç də sonuncu rolu oynamır. Birliyimiz hazırkı ətalətdən qurtulmalıdır”.
Verilən məlumatlara görə, E.Hüseynbəyli AYB-dəki yaxın ətrafına özünün qurum sədrliyinə ən şanslı və uğurlu namizəd olduğunu sübut etmək üçün səylər göstərir, həmçinin namizədliyinin dəstəklənməsi üçün özünə “dəstə toplayır” və qurultayda Anara qarşı çıxacaq. Yəni həmin qrup E.Hüseynbəylinin xeyrinə birlik üzvləri arasında təbliğat aparmalı və onun namizədliyinin üzvlərini əksəriyyətinin dəstəyini qazanmasına nail olmalıdır. Amma maraqlıdır ki, E.Hüseynbəyli yayılan məlumatları təsdiqləmir. O, “Yeni Müsavat”a açıqlamasında bildirdi ki, heç vaxt sədr olmağa iddiasını dilə gətirməyib: “Heç vaxt deməmişəm ki, sədr olmağa iddialıyam. Sadəcə, məni birliyin sədri kimi görənlər və bunu təklif edənlər var. Bizim ağsaqqalımız Anardır, birinci o fikrini bildirməlidir. Əgər o, namizədliyini verməsə, potensial iddiaçılar namizədlik barədə düşünə bilərlər ki, kim daha çox yararlıdır, kimin şansı böyükdür və sair. Anar müəllim deyib ki, fikrini qurultayqabağı bildirəcək. Mən ağsaqqalı əzib keçən adamlardan deyiləm. Ancaq müəyyən adamların fikri var ki, Anar müəllim namizədliyini verməsə, mənim sədr kimi namizədliyimi irəli sürsünlər”. Xatırladaq ki, E.Hüseynbəyli bir müddət əvvəl də açıqlamasında bildirmişdi ki, qurum sədrliyinə iddialılar məsələsində bir neçə namizədin adı hallanır: “Özləri bu barədə fikir bildirmədiklərinə görə o adamların adlarını açıqlamaq istəmirəm. Həmin siyahıda mənim də adım var”.
Yeni Müsavat
1203 dəfə oxunub
Oxşar xəbərlər
"Heç süni intellekt bu cür saxta dialoqlu mətn yaza bilməz" - Hekayə müzakirəsi
14:45
18 aprel 2024
Qardaşını və oğlunu şəhid verən yeganə Xalq yazıçımız - Sabir Əhmədlinin göz yaşları…
12:00
17 aprel 2024
Fərqli şeylərin sirli şəkildə qovuşması - "Sevgi şəhəri" haqqında
13:00
16 aprel 2024
Adamın buna kitab deməyə dili gəlmir...
12:30
15 aprel 2024
Onlar üçün müqəddəs heç nə yoxdur...
17:00
10 aprel 2024
Bu mətnin niyə qələmə alındığını başa düşmədim
14:28
10 aprel 2024