Oskar Uayld bir kəlmə belə yazmayıb!

Ədəbi tənqid

Ana səhifə
Ədəbi tənqid

Oskar Uayld bir kəlmə belə yazmayıb!

19 sentyabr 2011

12:04

Oskar Uayldın nəvəsindən maraqlı açılama: “O əsəri babam yazmayıb, assistentlər yazıb”.

Kulis.az Guardian-a istinadən bildirir ki, Londonda yerləşən “King’s Head” Teatrı yeni mövsümə Oskar Uayldın ən son əsəri “Konstans”la başlayacağını açıqlamışdı. Bundan sonra yazıçının nəvəsi Merlin Holland: “Uayld bu tamaşanın bir cümləsini belə yazmayıb. Sadəcə, iki səhifəlik bir sinopsis yazıb” deyərək, əsərin babasına aid olmadığını vurğulayıb.

Teatrı insanları aldatmaqda günahlandıran Holland səhnələşdirən əsərin ssenarini də oxuduğunu deyib: “Ssenarini oxudum, digər əsərlərindən sadəcə, bir neçə aforizm əlavə ediblər. Bu, insanları aldatmaqdan başqa bir şey deyil”.

İngilis yazıçı Oskar Uayld homoseksual olduğu üçün ölkəsini tərk etməyə və ömrünün son illərini Parisdə aclıq, səfalət içində keçirməyə məcbur olub. Orientasiyasına görə arvadı və iki oğlu da ölkəni tərk edib və soyadlarını dəyişərək Holland ediblər.

Günel Əsgərzadə