Orxan Pamukun yeni kitabı çıxır

Ədəbi tənqid

Ana səhifə
Ədəbi tənqid

Orxan Pamukun yeni kitabı çıxır

2 sentyabr 2011

13:37

Nobel mükafatlı türk yazıçı Orxan Pamuk Harvard Universitetində keçirdiyi Norton Konfranslarındakı çıxışlarını bir yerə toplayaraq kitab halında təqdim edəcək.

“Sadəlövh və dərrakəli romançı” adlı kitab artıq gələn həftənin sonlarından satışda olacaq.

Harvard Universitetində 1925-ci ildən bəri Çarlz Eliot Nortonun xatirəsinə hər iki ildən bir təşkil olunan və akademik baxımdan böyük etibar qazanmış Norton Dərsləri sənətin fərqli sahələrindən olan insanlar tərəfindən verilir.

Bu dərslərdə musiqi, ədəbiyyat, rəsm, memarlıq kimi sahələrin uğurlu simaları sənət fəaliyyətləri haqda fikirlərini bölüşürlər. Norton Dərslərini verən insanlar arasında Xorxe Luis Borxes, Umberto Eko, İtalo Kalvino, İqor Stravinski, Ostavio Paz, Nadin Qordimer var.

Nobelli yazıçı Pamuk Norton Dərslərinə qonaq olan son sənətçidir. 2009-cu ildən “Saf və dərrakəli romançı” başlığı ilə hazırladığı və Harvaddakı Sanders Teatrında verdiyi açıq dərslərdə romançılığı əsas mövzu kimi götürüb.

Böyük marağa səbəb olan və ümumilikdə altı mühazirədən ibarət dərslər roman oxuyarkən beynimizdə reallaşan hadisələr, roman ilə rəsm sənətinin əlaqəsi, oxucu ilə ədəbi obrazlar arasında yaranan münasibət, reallıqla qurmacanın fərqi, romanda mərkəz, hadisələr və zaman kimi mövzular yer alır.

Günel ƏSGƏRZADƏ

1608 dəfə oxunub

Paylaş

Oxşar xəbərlər

Hüseynbala Mirələmov bədii nəsrini insan və zaman kontekstində dəyərləndirən monoqrafiya - Elman Quliyev

17:20 6 mart 2026

"Dedi, başla, kişi ol! İndi vaxtıdı…" - O, sevdiyi qıza qarşı necə belə qəddar ola bilərdi?!

12:00 6 mart 2026

"Balaca bir hekayədə bu qədər “hoqqa çıxarmaq” lazım deyil..." - Hekayə müzakirəsi

12:00 4 mart 2026

Ədəbi tənqid