Beynəlxalq P.E.N Klub erməni müəllifin əsərini ayın kitabı seçdi

Ədəbi tənqid

Ana səhifə
Ədəbi tənqid

Beynəlxalq P.E.N Klub erməni müəllifin əsərini ayın kitabı seçdi

25 avqust 2011

05:00

Beynəlxalq P.E.N Klubun Türkiyə Mərkəzi avqustda erməni əyalət ədəbiyyatının son nümayəndələrindən olan Mıgırdiç Margosyanın “Gavur məhəlləsi” əsərini ayın kitabı seçib.
P.E.N Mərkəzi, 1992-ci ildə türkcə-ermənicə-kürdcə yayımlanan kitabı “mədəni fərqliliklərlə zəngin cəmiyyətimizdə hər kəsin daha dərin bir anlayışa dəvət etmək və sülh içində yaşamağımızda yardım etmək” üçün seçdiyini açıqlayıb.
Erməni əsilli türk yazıçı Mıgırdiç Margosyan Diyarbəkirin Hançepek məhəlləsində anadan olub. İstanbul Univeristetinin Ədəbiyyat Fakültəsinin Fəlsəfə bölməsində təhsil alıb.

1966-72-ci illərdə Üsküdarda erməni litseyində fəlsəfə, psixologiya, erməni dili və ədəbiyyatından dərs deyib və məktəb müdiri olub.

1984-cü ildə “Bizim oralar” adlı ilk kitabı çap olunub. Bu kitabla 1988-ci ildə ermənicə yazan yazıçılara Fransada verilən Eliz Kavukçuyan Vəqfi Ədəbiyyat Mükafatını alıb.

Bələdiyyə Məclisi Sur rayonunun Hasırlı məhəlləsində Dirəkçi küçəsinə erməni yazar Mığırtiç Margosyanın adını verib.
“Söylə Margos haralısan?”, “Zurna”, “Kürdan” adlı əsərlərinin müəllifidir.

Günel Əsgərzadə