Kulis.az “Maksumum 400” layihəsinə start verir.
Layihənin şərtinə əsasən yazılar 400 işarəni keçməməlidir.
Hər dəfə layihədə 4 yazar iştirak edəcək.
Layihədə gələn dəfə digər yazarlar da iştirak edəcəklər.
Qan Turalının yazısı: (133 işarə)
"Əsrimizin Səyavuş”u Boxçadan cəmi 37 dəfə endirilib.
Röyanın "Bağışla"sı isə 1027 dəfə.
Amma inanmıram Məmməd Əmin bizi bağışlaya...
Əziz Rzazadənin yazısı (339 işarə)
Gecə beyin boşalır, durğun dəniz, soyumuş səhra kimi.
Düşüncələr təmiz olur dəniz kimi; fikirlər lal ləpələrinə bənzər bir-birinin ardınca düzülür, səhra qumsallıqları tək ahəstə tərzdə ilan kimi burula-burula nəhayətdə fikir doğurur.
Səhər ayılanda ağla gələn ilk cümlə isə bu olur: “Ay Allah, görən, gecə ağlıma gələn yaxşı fikir nə idi?”
Elmin Həsənlinin yazısı: (383 işarə)
İnsan mütləq özünü ifadə etməlidir...
İfadə imkanları məhdudlaşdırılanda cəmiyyətdə çoxlu narkoman, oğru, avtoxuliqan, meyxanaçı, rüşvətxor, fırıldaqçı... peyda olur.
Hamı işin ən asanına qaçır.
Hamı məşhur olmağın ucuz yollarını axtarır.
Özünüifadə imkanları olmayan cəmiyyət xəstələnir.
Çürüməyə başlayır.
Belə cəmiyyətlərdə əsl istedadlara və intelektuallara yer qalmır...
Vüqar Qurdqanlının yazısı: (152 işarə)
Gözümüz aydın. “Avtovağzal” stansiyası açılacaq.
Modern eskalatorlarda da şor satılacaq.
XXI əsrdə tikilən geridəqalmış Bakı stansiyalarına bu da azdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Bitməyən komediyaya sözardı... - Niyə belə etdin, Kamal Abdulla?
14:50
13 dekabr 2025
İlk intertekstual türk romanının müəllifi - Oğuz Atayın əsərindəki “Üçbucaq arzu” nədir?
12:30
13 dekabr 2025
"Boynumu aşağı əyərək dedi ki, bu qəzeti yala..." - Təbrizli yazıçını niyə təhqir etmişdilər?
10:00
13 dekabr 2025
"Xarici yazıçıların əsərlərinin imitasiyası var, müəllifin təcrübəsizliyi ciddi hiss olunur" - Hekayə müzakirəsi
11:46
10 dekabr 2025
"Dünyasını dəyişən ana, qürbətdə yaşayan qardaş, tək qalan ata və..." - Elnarə Akimova
16:00
20 noyabr 2025
“Yeni ədəbiyyatı tanıyaq” layihəsi çərçivəsində növbəti müzakirə
16:57
18 noyabr 2025
