Ədəbi tənqid

Kim atsa gülə daşı - SEÇMƏ BAYATILAR

Kim atsa gülə daşı - SEÇMƏ BAYATILAR
28 iyul 2011
# 16:08
Kulis.az yenidən bayatıları təqdim edir.
Bu dəfəki seçim əvvəlki təqdimatlardan fərqli seçimlə aparılıb.


Fələyi dindirəydim,
Bilməzdin bildirəydim,
Mənə yazı yazanda,
Qələmin sındıraydım.

**

Mən Aşiq, vətən sarı,
Ağ sarı, kətan sarı,
Bəxtəvər kağız, başın,
Gedirsən vətən sarı.

**

Aşiqəm yasəmənsiz,
Gül bitməz yasəmənsiz,
Ərşdə bir mələk olmüş,
Getməzlər yasə mənsiz.

**

Gülgəzin gül adaşı,
Mey daşı, gülə daşı,
Yaxar bülbül öyünü,
Kim atsa gülə daşı.

**

Aşiqə yaz, incə gül,
Görübdür yaz incə gül.
Bülbül qüz kitab oxur,
Bir əlif yazınca gül.

**

Aşiqin ya xası var,
Təşnəyəm, yaxa suvar,
Fələk, əlin dəyməmiş
Gör kimin yaxası var?

**

Saleh min de ya səmən
Süsən, sünbül, ya səmən,
Qoy ölən rəqib olsun,
Gündə gedim yasa mən.

**

Əzizim meşələrdə,
Mey qaldı şişələrdə,
Sən yatdın yuxun aldın,
Mən qaldım küçələrdə.

**

Namaz qıldım sünnətə,
Adam saldım minnətə,
Atanı yilan vursun,
Anan getsin cənnətə

**

Əzizim nar sallana,
Oxuyub dərs alana,
Yazıq canım qurban olsun,
Balkonda yer salana!

**

Əzizim, yoxla məni,
Ox götür, oxla məni,
Nə anam var, nə atam,
Hərdən gəl yoxla məni.

**

Göydən uçan quşa bax,
Qanadı sınmışa bax,
Xalqa yaz açılanda,
Bizə gələn qışa bax.

Hazırladı: Vüqar QURDQANLI
# 2447 dəfə oxunub

Oxşar xəbərlər

Ədəbiyyatın görünən üzü aldadıcıdır – Bir hekayənin arxasındakı ikinci dünya

Ədəbiyyatın görünən üzü aldadıcıdır – Bir hekayənin arxasındakı ikinci dünya

13:00 24 sentyabr 2026
"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

"Yazıçılar Birliyinin 3000 üzvündən hansı sabun köpüyüdür?" - Azərbaycan ədəbiyyatının ən çox şişirdilmiş əsərləri haqqında

12:00 24 sentyabr 2026
İnsan torpağı itirəndə, əslində, nəyi itirir? - "Torpağın ruhu" haqqında

İnsan torpağı itirəndə, əslində, nəyi itirir? - "Torpağın ruhu" haqqında

13:25 23 sentyabr 2026
“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

“Öldür və qoy ölsün” ideologiyasına qarşı “Yaşa və qoy yaşasın” şüarı... - Müharibə romanları necə olmalıdır?

12:00 23 sentyabr 2026
Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?

10:00 22 sentyabr 2026
Stiven Kinq: “Dəhşət ədəbiyyatı" çağdaş dövrün insanına daha yaxın ədəbi janrdır..."

Stiven Kinq: “Dəhşət ədəbiyyatı" çağdaş dövrün insanına daha yaxın ədəbi janrdır..."

14:00 21 sentyabr 2026
#
#
Ana səhifə Reels Yazarlar Xəbərlər