Aqil Abbasdan Aqşinə dəstək

Ədəbi tənqid

Ana səhifə
Ədəbi tənqid

Aqil Abbasdan Aqşinə dəstək

26 iyul 2011

12:52

Kulis.az"da Aqşin Yeniseyin Babəklə bağlı maraqlı bir yazısını oxudum və xoşuma gəldi. Və əslində Aqşinin dediyini Cəfər Cabbarlı 80 il bundan əvvəl demişdi. Elxanın monoloqunu yadınıza salın. Mən yazmıram, zəhmət çəkin oxuyun. Yəni Aqşinin hərə qoltuğuna bir bloknot vurub gəlir ifadəsi həmin monoloqda var.

Amma çox qəribədir ki, Aqşinin məqaləsinə yazılan şərhlərdə onun demək istədiyi qalıb bir yanda, hamı bu gənc yazarı dinsizlikdə, Allahsızlıqda ittiham edir.

Deyirəm bəlkə bu Aqşini Cordano Bruno kimi ya tonqala ataq, ya Nəimi kimi şaqqalayaq, ya da Nəsimi kimi dərisini soyaq?

Babək heç vaxt dinə qarşı vuruşmayıb, bunu beynimizə belə yeridiblər. Həm sovet ideoloqları, həm də ərəb tarixçiləri. Bu Babəkin böyüklüyünü kiçiltməkdən başqa bir şey deyil. Babək Vətəninin azadlığı uğrunda işğalçılara qarşı vuruşub. Çünki hər işğalçı gələndə işğalçılığına don geyindirmək üçün hansısa xoşgör məqsədlərdən istifadə edir. Biri dindən, biri ürəyi yanımcıllıqdan (məsələn, NATO-nun Liviya xalqına, ya İraqa ürəyi yandığı kimi), biri yatırım qoymaqla, nə bilim ey, biri də hansısa nəyi...

Aqşin də bunu demək istəyib və deyib də.

Ədalət qəzeti