Kulis.az tanınmışlardan standart suallarla kitab haqqında müsahibələr alır.
Lahiyənin ilk qonağı politoloq Hikmət Hacızadədir.
- Heç kitab oğurladınızmı?
- Olub! Kitabxanaya bir iki dəfə kitab qaytarmamışam. İndiyə qədər vicdan əzabı çəkirəm.
- Kitabxananızda sevmədiyiniz yazarların kitabı varmı?
- Yox, mən sevmədiyim kitabları nəyə görə yığım ki?
- Həyatınızın bir kitab olmasını, ya da bir kitabda yaşamaq istərdinizmi?
- “Skromnılıq”dan kənar olsa da - mənim həyatım bir kitaba sığmaz, təxminen 3 cild olmalıdır: “Gənclik illəri”, “Xalq hərəkatı” və “Həyat”. (gülür)
- Məktəbdə, universitetdən dərs kitablarınız dururmu?
- Aspirantura kitablarım durur.
- Birinci sinfə gedəndə yazı oxumağı çox sevirdiniz, yoxsa yazı yazmağı?
- Oxumağı.
- Kitab oxuyanda qaldığınız yeri işarələmək üçün nə edirsiniz?
- Səhifənin ucunu qatlayırdım, ya da karandaş filan qoyurdum.
- Əzbərinizdə neçə şeir var? Bəs kitabxananızda?
- Yüzdən çox olar! Onları axıra qədər xatırlamasam da – “lazımi” yerlər yadımdadır və mən onlardan (məharətlə) istifadə edirəm.
- İlk oxuduğunuz kitab yadınızdadır?
- Yəqin, nağıl zad olar.
- Bir fəlsəfə kitabını başdan sona qədər oxudunuzmu?
- Yox. Fəlsəfə - ölü elmdir.
- Kiməsə kitab bağışlamısınızmı?
- “Pastayannı”! Dəyərli (mənim aləmimdə) kitabı ən yaxşı hədiyyə hesab edirəm.
- Ən sevdiyiniz film kitab olsaydı onu oxuyardınızmı?
- Elə filmlər çoxdur, məsələm “Qu quşunun yuvası üzərindən bir uçuş”, filminə baxdım sarsıldım, sonra da kitabını tapdım – oxudum, yenə sarsıldım.
- Qarabağ problemi ilə bağlı bir kitab oxudunuzmu?
- Çox kitab oxumuşam və böyük məqələlər də yazmışam. Bu mövzuda ən dəyərli kitab Tomas de Vaalın “Qara bağ” kitabıdır.
- Sitayiş etdiyiniz dindən başqa dinləri araşdırdınızmı?
- Dindar adam deyiləm. Mənimki azadlıqdır, liberalizmdir.
- Elektron kitab oxumusunuzmu?
- Daim oxuyuram, mənim elekton kitabxanam da var www.kitabxana.org
- Heç zaman kitab yazmayan, amma kitab yazmasını istədiyiniz bir insan varmı?
- Belə insanlar çoxdur. O qədər maraqlı ictimai – siyasi fiqurlar var ki, onlar həyatlarının əsl hekayətini danışmırlar... Yazsaydılar çox maraqlı olardı.
- Axırıncı dəfə nə zaman kitab oxumusunuz?
- Həmişə nəsə oxuyuram.
- Avtobusda çantasından bir kitab çıxardıb oxumağa başlayan bir qız görəndə nə düşünürsünüz?
- Ona böyük simpatiyam yaranır.
- Yandırdığınız kitab olubmu?
- Yox, amma tulladığım kitab olub – sovet dövrünü rəsmi ideologiyasına əsaslanmış kitablarından...
- Birnəfəsə oxuyub bitirdiyiniz kitab varmı?
- Belə kitablar xüsusi ilə gənclimdə çox olub – kino yox, TV – boş, odur ki, o zamanlar maraqlı kitab ələ keçəndə onu birnəfəsə oxuyurdum.
- İnsanın həyatını dəyişdirə biləcək bir kitab tanıyırsınızmı?
- Əlbəttə. Bələ kitablar çoxdur: məsəl üçün dini kitablar (Quran, Bibliya və s.), siyasi və ictimai cərəyanların əsas kitabları, Humanizm və ya qəddarlığa yeni baxış gətirən kitablar. Mənə şəxsən, Tolstoyun “Dirilmə” romanı kitabı çox təsir edib.
Fərid Mirzəyev
“Bildiyim şeirlərdən məharətlə istifadə edirəm” - MÜSAHİBƏ
11 aprel 2011
11:25
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Onun nə vaxt uydurduğunu, nə vaxt gerçəyi söylədiyini anlamaq olmur... - Sual soruşmağı kim yasaqlaya bilər ki?
17:20
10 fevral 2026
"Onun qəhrəmanları iyrənmədən yaşaya bilmirlər..." - Bernhardla Dostoyevskini nə birləşdirirdi?
13:00
9 fevral 2026
"Pulitser"dən imtina edən Nobel mükafatçısı - O, hekayələrini hansı yazıçıya satmışdı?
13:30
7 fevral 2026
"Bu toyun axırında gəlinin üzünün duvağı açılmır..." - Hüseynbala Mirələmov oxucu ilə niyə açıq söhbət edir?
12:00
7 fevral 2026
Günahı başqalarında axtarmaq ehtiyacı... - Mətanət Vahid
14:15
30 yanvar 2026
"Onun yaradıcılıq nümunələri sanki mətnin ortasında qurtarır..." - “Səksənincilər" layihəsindən Kamran İmranoğlunun essesi
10:00
30 yanvar 2026
