Yazmağı tənqidçilərdən öyrənmək=seksi internetdən öyrənmək

Ədəbi tənqid

Ana səhifə
Ədəbi tənqid

Yazmağı tənqidçilərdən öyrənmək=seksi internetdən öyrənmək - MƏTN

11 aprel 2011

10:43

Məşhurların “Twitter” sosial şəbəkəsindəki qeydlərini sizlə bölüşməyə davam edirik. Sırada bestseller əsərlər müəllifi, braziliyalı yazıçı Paulo Koelyodur.

Dosye: 1947-ci ildə Rio de Janeyroda doğulub. Yazıçılığa başlamazdan əvvəl jurnalist kimi fəaliyyət göstərib. Gəncliyində hippi olan Koelyo 1986-ci ildə ilk kitabı “Ziyarət”-i yazır. 1988-ci ildə isə bestsellerə çevrilən “Kimyaçı” əsərini satışa çıxarır. Koelyo Qabriel Qarsia Markezdən sonra ikinci ən çox oxunan latın-amerikalı yazardır. Hal hazırda Rio de Janeiroda yaşayır və bir neçə həftəlik qəzetdə köşə yazıları dərc olunur.

- Çox rəqibimlə mübarizə aparmışam. Ən pisi, onların özlərini mənim dostlarım adlandıran şəxslər olmasıdır.

- Sizdən başqa heç kim sizin xoşbəxtliyinizə məsuliyyət daşımır.

- Həyatın “Twitter” qədər sadə olmasını istərdim. İzlə, izləmə, rədd et (block).

- Həyat seks kimidir: ləzzət almaq istəyirsənsə, tələsmə.

- Görünən və görünməyən arasındakı körpünü uçurtmağın ən yaxşı yolu hisslərini izah etməkdir.

- Çox vaxt “HƏ” və “YOX” fikrini çatdırmaq üçün ən mükəmməl sözlər olur.

- Həyat yemək bişirmək kimidir: nəyi sevməyi seçməmişdən əvvəl hər şeyi yoxlayırsan.

- Keçib gedən hər şey qayıdacaq. Biz valideynlərimizin qarşısında özünü günahkar sayan və acıqlı uşaqlar kimi qala bilmərik.

- Necə yazmağı tənqidçiləri oxuyaraq öyrənmək seksi internetdən öyrənmək kimi bir şeydi.

- Bu gün anladım ki, gülürsənsə, camaat sənə dəli kimi baxır.

- Sevgi sahili olmayan okeandır. Bu okeanda necə üzməyi bilməsən də, qorxma.

- Həyat “Mozilla Firefox” brauzeri kimidir: hər dəfə yeniləyəndə düymələrin yerləri dəyişir.

Günel Əsgərzadə