Azərbaycan Yazıçılar Birliyinin (AYB) mətbuat xidmətinin rəhbəri, şair Ədalət Əsgəroğlu torpağa tapşırılıb.
APA-nın məlumatına görə, Ə. Əsgəroğlu Xırdalan qəbiristanlığında dəfn olunub.
Ziyalıların, mədəniyyət xadimlərinin iştirak etdiyi mərasimdə mərhumun ruhuna dualar oxunub, yaxınlarına, doğmalarına başsağlığı verilib.
- Məşhur diktorun qızı dünyasını dəyişib
- Azərbaycanlı alim İranda həbs edildi
- “Qarabağ hekayələri” adlı audio-kitabın təqdimatı keçirilib
Ə. Əsgəroğlu gecə saatlarında insultdan dünyasını dəyişib.
Mərhumun oğlu Elşad Məmmədovun APA-ya verdiyi məlumata görə, Ə. Əsgəroğlu şəkər xəstəsi olub. Oğlunun sözlərinə görə, axşam saatlarında atasının səhhəti qəfil pisləşib, 4 saylı Şəhər Xəstəxanasına çatdırsalar da, onu xilas etmək mümkün olmayıb.
Ədalət Əsgəroğlu 1957-ci ildə Göyçayda doğulub. 2003-cü ildən Azərbaycan Yazıçılar Birliyinin mətbuat katibi vəzifəsində çalışırdı. “Özüm qürbətdə, gözüm vətəndə”, “Sabahını itirməyən adamlar”, "Məmləkətim, canım mənim...” və s. kitabların müəllifidir.
