news-inner
clock17:39 calendar-gray 01 Sentyabr 2014 view-gray607 dəfə oxunub
view-gray607 dəfə oxunub

“National Geographic” jurnalı Azərbaycan dilində təqdim edildi

Garant Media Holding National Geographic jurnalının Azərbaycanda yerli dildə dərc edilməsi üçün Milli Coğrafiya Cəmiyyəti ilə partnyorluq əlaqəsi yaradıb. National Geographic Azərbaycan jurnalının dərc edilməsinə 2014-cü ilin sentyabr buraxılışı ilə start veriləcək və bu buraxılışın ən mühüm materialı “Azərbaycanın rəngləri” haqqındadır. Jurnal aylıq dərc olunaraq qəzet kiosklarında və abunə yolu ilə satılacaq.

Yeni National Geographic Azərbaycan jurnalı bu gün Bakıda “Four Seasons” otelində təqdim olunub və bu əlamətdar hadisə Heydər Əliyev Mərkəzində keçirilən tədbirlə qeyd edilib. Tədbirdə National Geographic jurnalının fotoqrafı Rza Diqqəti, National Geographic jurnalının və xəbərlərinin baş redaktoru Syuzan Qoldberq National Geografic cəmiyyətinin baş hüquqşünası Terens B.Adamson iştirak ediblər. Tədbirə Azərbaycan-Amerika Alyansının direktoru Anar Məmmədov, Garant Media Holding-in baş icraçı rəhbəri Elnur Baimov və

National Geographic Azərbaycan jurnalının baş redaktoru Seymur Teymurov ev sahibliyi edib.

Yeni buraxılışda ingilisdilli buraxılışdakı və Azərbaycanlı oxucuların maraq dairəsinə uyğun materiallar əhatə olunacaq. Jurnalın qiyməti 4 AZN (5 ABŞ dolları) təşkil edəcək.

“National Geographic jurnalı Qafqazda ilk dəfə 2012-ci ildə Gürcüstanda dərc edilməyə başlanıb və artıq jurnalımızın yerli dillərdə dərc olunan 40-cı versiyası – National Geographic Azərbaycan sayəsində regionda daha çox təmsil olunacağımız üçün çox həyəcanlıyıq”, – deyə Adamson bildirib. – “National Geographic jurnalı planetimiz üçün həyati əhəmiyyət kəsb edən kritik məsələlərə zamanında toxunduğu üçün mükafatlar əldə etməyə davam edir və biz bu mühüm məsələlərlə əlaqədar materialları yerli dildə Azərbaycana bəxş etmək məqsədilə Garant Media Holding ilə əməkdaşlıq etdiyimiz üçün çox həyəcanlanırıq”.

“Qlobal əhəmiyyətə malik olan və hər birimizi planetimizin qayğısına qalmağa təşviq edən dünya şöhrətli jurnalı təqdim etdiyimiz üçün çox qürurluyuq”, – deyə Məmmədov qeyd edib. – “Ümid edirəm ki, National Geographic Azərbaycan ölkəmizdə böyük müvəffəqiyyət əldə edəcək və oxucularımızın sevimli jurnalına çevriləcək”.

1888-ci ildən dərc olunan ingilisdilli National Geographic jurnalı hərtərəfli və aktual məqalələr, əfsanəvi fotoillüstrasiyalar və xəritələr vasitəsilə mədəniyyət, təbiət, elm və texnologiya sahələrini dərindən əhatə edir. Jurnal hər ay dünyanın 60 milyon oxucusu tərəfindən oxunur. Artıq jurnal ingilis dilindən əlavə 40 yerli dildə də dərc olunur. Azərbaycan versiyasından əvvəl 2013-cü ilin mart ayında jurnalın Ukrayna versiyası ilk dəfə işıq üzü görüb, həmin ilin iyul ayında isə Tayvan versiyasına Honkonq versiyası əlavə olunub.

Milli Coğrafiya Cəmiyyəti haqqında

İnsanları planetimizin qayğısına qalmağa təşviq etmək missiyasına sahib olan 126 yaşlı Milli Coğrafiya Cəmiyyəti dünyanın ən böyük qeyri-kommersiya elm və təhsil təşkilatlarından biridir. Üzvləri tərəfindən dəstəklənən, təşviq etmək, maarifləndirmək və öyrətmək üçün fəaliyyət göstərən cəmiyyət hər ay KİV platformaları, məhsul və tədbirləri vasitəsilə dünyada 600-dən artıq insana müraciət edir. Milli Coğrafiya Cəmiyyəti 11000-dən artıq tədqiqat, mühafizə və araşdırma layihəsini maliyyələşdirib və onun təhsil proqramları vasitəsilə coğrafi biliklər genişləndirir. Ətraflı məlumat əldə etmək üçün www.nationalgeographic.com səhifəsinə nəzər sala bilərsiniz.

news-inner-user

19075 məqalə

Oxşar xəbərlər

Xəbər lenti

Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021