news-inner
clock12:45 calendar-gray 01 Sentyabr 2014 view-gray625 dəfə oxunub
view-gray625 dəfə oxunub

Aydın Qaradağlının 85 illik yubileyi qeyd olundu

Siyəzən şəhər Mədəniyyət Sarayında Azərbaycanda peşəkar diktorluq məktəbinin yaradıcısı, əfsanəvi səsə malik olan diktor Aydın Qaradağlının 85 illik yubileyi qeyd olunub.

Tədbirdə yerli icra orqanlarının nümayəndələri, Azərbaycanın tanınmış incəsənət xadimləri, eləcə də yubilyarın ailə üzvləri iştirak edib.

Tədbir iştirakçıları əvvəlcə Aydın Qaradağlının ifasında Cəfər Cabbarlının “Ana” şerinin səs yazısını dinləyiblər. Siyəzən rayon icra hakimiyyətinin başçısı Arif Qasımov xalqımız tərəfindən sevilən unudulmaz diktorun adının rayonda əbədiləşdirildiyini qeyd edib. Belə ki, 85 illik yubileyi ərəfəsində Siyəzən şəhərindəki küçələrdən birinə Aydın Qaradağlının adı verilib.

Tədbirdə Teatr Xadimləri İttifaqının sədri, Xalq artisti Azərpaşa Nemətov, filologiya elmləri doktoru, professor, şair və nasir Vüqar Əhməd, Azərbaycan Televiziya və Radio Verilişləri Qapalı Səhmdar Cəmiyyətinin sədr müavini Cavanşir Cahangirov və başqaları çıxış edərək təkrarolunmaz səs sahibi, böyük ziyalı Aydın Qaradağlı haqqında xatirə və düşüncələrini bölüşüblər.

Əfsanəvi diktorun həyat və yaradıcılığı haqqında məlumat verilərək bildirilib ki, Aydın Qaradağlı 20 avqust 1929-cu ildə anadan olub. 17 yaşından diktor kimi fəaliyyətə başlayan Aydın Qaradağlı 1957-ci ildən Azərbaycan SSR Nazirlər Soveti yanında Radio və Televiziya Verilişləri Komitəsinin diktoru işləyib. O, 1948-ci ildə Mirzə Fətəli Axundov adına Azərbaycan Dövlət Teatr Məktəbini (aktyorluq ixtisası üzrə), 1949-cu ildə isə Moskvada ümumittifaq diktorluq kurslarını uğurla başa vurub.

Aydın Qaradağlı uzun ömür yaşamasa da, onun səsinin Azərbaycan mədəniyyətində rolu olduqca böyükdür. Görkəmli sənətkar, istər rəsmi mövzuları, istərsə də bədii əsərləri dinləyicilərə böyük məharətlə çatdırıb. Hazırda respublikada tanınmış diktorların əksəriyyəti məhz Aydın Qaradağlı məktəbindən bəhrələnir, onun səs yazılarından öyrəndiklərini işlərində tətbiq edirlər. Azərbaycan radiosunun "Qızıl fond"unda Aydın Qaradağlının ifasında Nizami Gəncəvi, Məhəmməd Füzuli, Cəfər Cabbarlı, Məhəmmədhüseyn Şəhriyar və digər klassiklərin, habelə Səməd Vurğun, Süleyman Rüstəm, Rəsul Rza, Hüseyn Arifin əsərlərinin səs yazıları qorunub saxlanılır. Aydın Qaradağlı 1980-ci ilin 28 yanvar tarixində, 50 yaşında dünyasını dəyişib.

Yubilyarın qızı Aygül Qaradağlı ölməz sənətkar Aydın Qaradağlının 85 illiyinin keçirilməsinə görə tədbirin təşkilatçılarına minnətdarlıqlarını ifadə edib. Yubiley tədbirində tanınmış incəsənət ustalarının ifasında konsert proqramı da təqdim olunub.

news-inner-user

19115 məqalə

Oxşar xəbərlər

Xəbər lenti

7 yaşında atasını güllələdilər, Rəsul Rza onun xəstələnməsinə dözməyib dünyasını dəyişdi, ərinin öldüyünü axıracan bilmədi – Nigar Rəfibəylinin film kimi həyatı
21:00 23 İyun 2021
Mədəniyyət Nazirliyindən yeni kampaniya
18:44 23 İyun 2021
Dodaqların əriyən şamdır - Yeni şeirlər
18:03 23 İyun 2021
Bəsit forma oyunları – Gənc şairləri tənqid etdilər
17:15 23 İyun 2021
Filmimiz beynəlxalq mükafata layiq görülüb
16:28 23 İyun 2021
Ukraynanın yumor şousunda Bakı komandası da yer aldı
15:47 23 İyun 2021
Rəngkarlıq Muzeyində gənclər üçün ustad dərsləri davam edir
15:01 23 İyun 2021
Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021