news-inner
clock14:13 calendar-gray 18 Avqust 2014 view-gray11129 dəfə oxunub
view-gray11129 dəfə oxunub

Tanınmış aktyor: “Arvadıma deyə bilmərəm ki, başqası ilə öpüşmə” MÜSAHİBƏ

Halit Ergençi Azərbaycan tamaşaçısı daha çox “Möhtəşəm yüz il” serialından tanıyır. Bu yaxınlarda bitən serial bütün dünyada böyük səs-küyə səbəb olmuş və reytinq qazanmışdı.

Kulis.az Halit Ergençin yeni müsahibəsindən maraqlı olan parçaları təqdim edir.

- “Möhtəşəm yüz il” serialı bitdi. İndi hamıya maraqlıdır ki, nə iş görəcəksən?

- İnanırsan, heç mən özüm də bilmirəm. Bir onu bilirəm ki, xeyli yüngülləşmiş və rahatlanmışam. Saqqaldan da canım qurtardı. (gülür)

- Bir il heç bir serialda oynamaq istəmədiyini demisən. Yəni yorulmusan və dincəlmək istəyirsən?

- Elədir.

Karım tabii ki öpüşecek

- Bəlkə həyat yoldaşına və oğluna vaxt ayırmaq istəyirsən?

- Bu da var. “Möhtəşəm yüz il” mənim ən uzunmüddətli işim oldu. Belə bir şey hər bir aktyora qismət olmur. Realda yaşamış bir insanın 42 ilini canlandırdım. Sultan Süleyman barəsində rəsmən doktorluq müdafiə etdim.

- Yeni mövsümdə hər bölümə görə 150 min lirədən (təxminən 70 min dollar – tərc.) imtina etdiyin barədə söz-söhbətlər düzdü?

- Əlbəttə ki, yox. Belə məbləğlər yoxdur. Bunlar şəhər əfsanələridir. Təzə açılan kanallarda bu işə girişən biznesmenlər bəzi ulduzlara astronomik rəqəmlər verib, amma uğursuzluğa uğrayıblar. Aktyor təbii ki, yaxşı qonorar almalıdır. Amma məsələ təkcə aktyorda deyil axı. Bir serial bütövlükdə aktyorun çiyinlərində dayanmır. Ən yüksək işdə işləyəndən tutmuş ən aşağı vəzifəyə qədər hamının gördüyü işin haqqını ödəmək məcburiyyətindəsən ki, o iş uğurlu olsun. Pulu homogen olaraq paylamaq məcburiyyətindəsən. Onsuz da indi heç bir təkliflə maraqlanmıram.

- Rol aldığın serialların uğur qazanmasının sirri nədədir?

- İşimə hörmətim var. Sirr varsa, budur. Məncə həyatdakı ən qiymətli şeylərdən biri iş, digəri isə həyat yoldaşıdır. Gələcəyini bu ikisi müəyyən edir. İkisinə də hörmətim var və layiq olmağa çalışıram.

- “Qadınların bəyəndiyi, yaraşıqlı adamsansa aktyorluqda da yırtarsan” - formul budur?

- Yox, fiziki görünüş bir yerə qədərdir. Bəlli bir nöqtədən sonra hamı sənin işi necə gördüyünə baxacaq. Heç kim səni gözünün, qaşının gözəlliyinə görə saxlamayacaq yanında. Özümə gəldikdə isə, məncə yaraşıqlı deyiləm.

- Qadınlar sənin hamilərindir?

- Bərgüzar mənim hamimdir.

- “Arvadım aktrisadır, amma bura Türkiyədir. Öpüşə bilməz, sevişə bilməz” – kimi qadağaların varmı?

- İkimiz də aktyoruq. İkimiz də öz işimizə böyük bir sevgi ilə bağlıyıq. Təbii ki, rolumuz nəyi tələb edirsə, onu da edəcəyik. Mən ona necə deyə bilərəm ki, öpüşməyəcəksən. Belə bir şey mümkündürmü? Bu “sənə etibar etmirəm” –deməkdir. Onda niyə bir yerdəsən? Ondan şübhələnsəm, o da məndən şübhələnməlidir. Mən rola görə xeyli qadınla öpüşmüşəm. Ona qalsa, gərək bu peşəyə olan baxışları tamamilə dəyişək. Kənanla səhnələri olur məsələn, millət də başlayır hücum etməyə. “Zatən bu qadın belədir, elədir...”. Mənim vecimə də deyil, öz həyat yoldaşımın arxasındayam, sona qədər də dəstək verəcəm.

- Necə sevgilidir? Necə anadır?

- İnanılmaz pozitiv anadır. Amma yeri gələndə əsəbiləşə də bilir, bu da xoşuma gəlir. Uşaqlara intizam da lazımdır. Bəzən anamın səsini eşidirəm Bərgüzarda. Sevgili kimi sirli sevgilidir. Sürprizlər etməyi sevən biridir. Məni çox maraqlı zamanlarda, heç gözləmədiyim yerlərdən vurub. Bir də çox yaxşı yemək bişirir. Onun yeməklərindən ötrü ürəyim gedir...

- Gəzi hadisələrində aktiv idin. Sənin üçün Gəzi nəyi ifadə edir?

- Biz çox romantik böyüdülmüş gənclərik. Bunu başa düşdüm. Həyata çox romantik yerdən baxırmışıq. Və bizə bəzi şeylər öyrədilməyib. Bəzi şeylər haqda danışmayıblar. Bizim hesablaya bilməyəcəyimiz, görə bilməyəcəyimiz xeyli fərqli şeylər rastlaşdım. Hər şey bizim düşündüyümüzdən də çirkli imiş. Amma möhtəşəm bir gəncliklə də tanış oldum, bu də mənim qazancım!.

Mənbə: “Hürriyət” qəzeti / Ayşe Arman

Oxşar xəbərlər

Xəbər lenti

Sazın peyğəmbəri – Şərif Ağayar yazır...
20:55 27 Yanvar 2020
“Həyat etüdləri” təqdim edildi
19:58 27 Yanvar 2020
Pantomima teatrı fevralda - Afişa
19:20 27 Yanvar 2020
Bakıda “Müstəqil Kino Platforması” təsis edildi – Nə istəyirlər?
18:50 27 Yanvar 2020
Yaralı qadın - Hekayə
18:28 27 Yanvar 2020
Uşaq qalmaq istəyirəm... - 11 yaşlı Nərmindən şeirlər
18:07 27 Yanvar 2020
Şah Matda “Ölüm məhbusunun son günü” olacaq
17:36 27 Yanvar 2020
Eminqueydən yeni kitab
16:57 27 Yanvar 2020
Kamal Abdullanın romanı müzakirə olunacaq
16:21 27 Yanvar 2020
Mikayıl Müşviq Poeziya Evi açılsın - Təklif edildi
15:39 27 Yanvar 2020
Səyavuş Aslan onu aldadıb ruhi xəstəxanaya apardı - Aktrisanın həyatından dəhşətli faktlar
15:01 27 Yanvar 2020
Mişel Obama "Qremmi" mükafatı aldı
14:22 27 Yanvar 2020
Bətnindən meyvə dərsən... - Fərid Hüseyndən yeni şeirlər
13:42 27 Yanvar 2020
Xeyriyyə məqsədi ilə rəsm sərgisi
13:03 27 Yanvar 2020
Bəhram Bağırzadənin yerə dəyib çiliklənən obrazı – Sərdar Amin yazır...
12:23 27 Yanvar 2020
Hərəyə bir nənə öpək!
11:46 27 Yanvar 2020
Qalımmmı, gedimmi? Sual budur, bu… - Anara şeir həsr etdilər
11:08 27 Yanvar 2020
Nə pismiş sevgisiz böyüklük – Şəhriyardan yeni şeirlər
11:00 27 Yanvar 2020
Əliqismət Lalayev İranda beynəlxlaq festivalın teatr sərgisinə dəvət aldı
10:43 27 Yanvar 2020
Nobel mükafatçısının evini qarət etdilər
10:16 27 Yanvar 2020