Amerikanın eks prezidenti Corc Buş atası, ölkənin 41-ci prezidenti ata Buş haqda kitab yazıb.
Bu il 90 yaşı tamam olan ata Buş haqda oğlu deyir: “Corc Buş əla dövlət xadimi və atadır. Mən onun həyatından yazanda böyük zövq aldım. Ümid edirəm ki, bu başqalarının da xoşuna gələcək”.
Kitab ata Buşun həyatını tam əhatə edir. Həmçinin, kitabda onun İkinci Dünya müharibəsi zamanı Sakit Okeanda xidməti, Texasda neft biznesi ilə məşğul olmağı, MKİ-in direktoru kimi və Ağ evdəki fəaliyyəti də yer alıb.
Bu ilin noyabrında yayımlanacaq 300 səhifəlik kitabın tirajı 1 milyondur.
The Crown Publishing Group nəşriyyatı müəllifin qonorarını açıqlamayıb.
Parkinson xəstəliyindən (Parkinson xəstəliyi neyroendogen xəstəliklər qrupuna daxil olub, mərkəzi sinir sistemində dofamin neyronlarının dağılıb məhv olması ilə inkişaf edir) əziyyət çəkən ata Buş çox az müasir prezidentlərdən biridir ki, memuar yazmayıb. Amma 1998-ci ildə onun milli təhlükəsizlik üzrə məsləhətçi Brent Skoukroftla birlikdə yazdığı “Dünya dəyişib” kitabı çıxıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər