news-inner
clock15:47 calendar-gray 24 İyul 2014 view-gray2176 dəfə oxunub
view-gray2176 dəfə oxunub

Kulis.Az saytının əməkdaşı “Anamın Kitabı” müsabiqəsinin qalibi oldu

“Anamın Kitabı” müsabiqəsinin qalibləri bəlli oldu.Mükafatlandır təqdimetmə mərasimi sentyabr ayında keçiriləcək

Filologiya üzrə fəlsəfə doktoru Şəmil Sadiqin ideyası və təşəbbüsü ilə Hədəf Nəşrlərinin təsis etdiyi, “Kitabevim.Az” və Dövlət Gənc Tamaşaçılar Teatrının təşkilatçılığı ilə həyata keçirilən “Anamın Kitabı” pyes müsabiqəsi layihəsində Münsiflər Heyəti öz işini başa çatdırdı. Layihənin rəhbəri yazıçı Müşfiq XANın Kulis.az -a bildirdiyinə görə, müsabiqə iyulun 20-də onlayn səsvermə ilə yekunlaşdı. Azərbaycanda milli ədəbiyyatın və teatrın inkişafına dəstək məqsədi ilə təsis olunan “Anamın Kitabı” Ədəbi Mükafatı builki pyes müsabiqəsinə fevral ayının 21-də start verilmişdi.

Mayın sonuna qədər davam edən əsər qəbulu prosesində 50-dən çox pyes müsabiqəyə buraxılmışdır. İyunun 15-ə qədər əsərlərin Ekspert Şurası tərəfindən qiymətləndirilməsi və onluğun müəyyən edilməsi baş tutdu. Münsiflər Heyətinə səsvermə üçün seçilən pyeslər şərti sıralama üzrə bunlar olmuşdur:

1. Şəbnəm Xeyrulla - Qırmızıpapağa yalan danışmaq olmaz”

2. Ülviyyə Tahir – “Anamın tabutu”

3. Günel Kərimli- “İşıq pulu”

4. Natəvan Mikayılova – “İnam”

5. Zöhrə İsmayılova – “Tükənməz sərvət”

6. Sevinc El Sevər – “Ürəyində arzu tut”

7. Şəhriyar del Gerani – “Ayişə necə gülür?”

8. Qanun Ümman Qahablı – “Adaxlı”

9. Murad Nuriyev – “Sahibsiz yerlərin qurdunun iniltisi”

10. Elşən Feyzulla – “Söz oynadanlar”

İyulun 1-20 müddətində onlayn səsvermə və Münsiflər Heyətinin qiymətləndirilməsi baş tutmuşdur. Öncədən qeyd olunduğu kimi onlayn səsvermə qalibi ayrı seçilmişdir və Münsiflər Heyətinin səsverməsinə təsir etmir.

Onlayn səsvermə nəticəsinə görə “Tükənməz sərvət” pyesi ilə Zöhrə İsmayılova birinci yeri qazanaraq “Anamın Kitabı” Ədəbi Mükafatının diplomunu qazanmışdır.

Münsiflər Heyətinin tərkibi:

1. İsa Həbibbəyli, akademik, AMEA-nın vitse-prezidenti, Nizami adına Ədəbiyyat İnstitutunun direktoru , “Anamın Kitabı” Ədəbi Mükafatı Münsiflər Heyətinin sədri

2. Şəmil Sadiq, Nizami adına Ədəbiyyat İnstitutunun elmi işlər üzrə direktor müavini, filologiya üzrə fəlsəfə doktoru, dosent, “Anamın Kitabı” Ədəbi Mükafatı layihəsinin ideya müəllifi

3. Müşfiq XAN, yazıçı, “Anamın Kitabı” Ədəbi Mükafatı layihə rəhbəri

4. Tahirə Məmməd, professor, Ədəbiyyat İnstitutu Ədəbiyyat nəzəriyyəsi şöbəsinin müdiri

5. Mübariz Həmidov, Əməkdar artist, Dövlət Gənc Tamaşaçılar Teatrının direktoru

6. Bəhram Osmanov, Dövlət Gənc Tamaşaçılar Teatrının rejissoru

7. Sərvər Əliyev, Dövlət Gənc Tamaşaçılar Teatrının aktyoru, rejissor

8. Bədirxan Əhmədov, filologiya üzrə elmlər doktoru, professor, AMEA Nizami adına Ədəbiyyat İnstitutunun elmi katibi

9. Aynurə Mustafayeva, filologiya üzrə fəlsəfə doktoru, AMEA Nizami adına Ədəbiyyat İnstitutu Ədəbi tənqid şöbəsinin elmi işçisi

Münsiflər Heyətinin səsverməsinin yekun nəticələri aşağıdakı kimidir:

I yer. Sevinc El Sevər – 72 bal

II yer. Şəbnəm Xeyrulla – 54 bal

III yer. Qanun Ümman Qahablı – 52 bal

IV yer. Günel Kərimli – 51 bal

V yer. Murad Nuriyev – 48 bal

VI yer. Şəhriyar del Gerani – 46 bal

VII yer. Ülviyyə Tahir – 44 bal

VIII yer. Elşən Feyzulla – 36 bal

IX yer. Zöhrə İsmayılova – 31 bal

X yer. Natəvan Mikayılova – 26 bal

Münsiflər Heyətinin qərarı ilə Elçin Hüseynbəyli gənclərə dəstək məqsədilə müsabiqəyə təqdim etdiyi “Sezar” əsərinə görə "Anamın Kitabı" Fəxri Mükafatına layiq görülmüşdür.

Müsabiqənin Təşkilat Komitəsinin verdiyi məlumata görə mükafatlandırma mərasimi bu ilin sentyabr ayında keçiriləcəkdir. İlk 4 yerin sahibi üçün 2 min manat həcmində mükafat fondu nəzərdə tutulub. Növbəti illərdə mükafat fondu arta bilər. Builki müsabiqədə I yerin sahibinə 1000 manat və “Anamın Kitabı” Ədəbi Mükafatı, II yer – 500 manat, III və IV yerlərin sahiblərinə isə müvafiq olaraq 300200 manat pul mükafatları təqdim olunacaq.

“Anamın Kitabı” Ədəbi Mükafatının I yer qalibi, saytımızın əməkdaşıSevinc El Sevərin “Ürəyində arzu tut” pyesi Dövlət Gənc Tamaşaçılar Teatrının dəstəyi ilə tamaşaya qoyulacaqdır. Bundan əlavə onluğa düşən bütün əsərlər toplu şəklində nəşr ediləcəkdir. Sentyabrda baş tutacaq mükafatlandırma mərasimində qonaqlara və müsabiqə iştirakçılarına eyni zamanda Hədəf Nəşrləri tərəfindən yeni tərtibatda nəşr edilmiş Cəlil Məmmədquluzadənin “Anamın Kitabı” pyesi hədiyyə olunacaqdır.

news-inner-user

19075 məqalə

Oxşar xəbərlər

Xəbər lenti

Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021