Amerika Kino Akademiyası “Oskar”ı satdıqlarına görə, məhkəməyə müraciət edib. Kulis.azın wek.ru-ya istinadən verdiyi xəbərə görəi şə cavabdeh tərəf kimi 1985-ci ildə vəfat etmiş Cozef Raytın qohumları çıxış edib.

Ailə Cozefə “Mənim sevgilim Sel” filminə görə 1942-ci ildə verilən mükafatı Briarbrook Auction Services auksionunda satmağa görə ittiham olunur.

Məşhur Oskar heykəlciyinə görə qohumlara nə az, nə çox, düz 79 min 2 yüz dollar veriblər. Bundan başqa Amerika Kino Akademiyası auksion evini və heykəlciyi alanları da məhkəməyə verib.

“Oskar”ı təsis edən Elm və Kino Sənəti Akademiyasının 1951-ci ildə qəbul etdiyi qanuna əsasən qohumlar heykəlciyi ilk növbədə akademiyaya təklif etməli idi, əgər Akademiya onu geri almağa razı olsaydı qohumlara yalnız bir dollar ödəyəcəkdi.

Görünür qohumlar fürsətdən maksimum yararlanmaq istəyib. İndi onları məhkəmə gözləyir. Akademiya satıcılardan 79 min iki yüz dollar və mənəvi ziyana görə kompensasiya istəyir.

Xatırladaq ki “Oskar” kino sahəsində nüfuzlu mükafatlardan hesab olunur. İlk dəfə “Oskar” sözü 6-cı mükafatlandırma mərasimində işlənib. Bu günədək bu mükafatın niyə “Oskar” adlandırılması sirr olaraq qalır. Versiyalardan birinə görə, onu ilk dəfə aktrisa Bett Devis “Oskar” adlandırıb. Onun sözlərinə görə, bu heykəlciyi o zamankı əri Xarmon Oskar Nelsona oxşatdığı üçün belə adlandırıb.

Kitabxanaçı Marqeret Xerrik də iddia edir ki, heykəlciyə adı o, qoyub. Guya o heykəlciyi görən kimi onu dayısı Oskara oxşadıb və qışqırıb: “O... Oskar!”. Guya orada iştirak edən qəzetçilərdən biri Sidni Skolski onun bu sözünü heykəlciyin adı kimi təqdim edib. Hərçənd Skolskinin deməyinə görə bu adı o özü heykəlciyə verib.

• Şəhər sakinləri kərgədanlara çevriləndə... - İonesko faşizmi necə ifşa etmişdi?
• “Molla Nəsrəddin” jurnalının 120 illiyinə həsr olunmuş sərgilər açıldı
• "Körpücük sümüyündə öpüşümü buraxdım?.." - Sevinc Yunuslunun yeni şeirləri