Türk superstarı Ajda Pekkan yemək kitabı çıxarır

Kino

Ana səhifə
Kino

Türk superstarı Ajda Pekkan yemək kitabı çıxarır

23 iyun 2011

12:20

Türk superulduzu Ajda Pekkan Bursada verdiyi konsertində dinləyicilərə maraqlı xəbər verib. Pekkan yeni yemek kitabı buraxacağını belə açıqlayıb: "Kitabım çıxır. Amma bildiyiniz yemək deyil. Hedonistəm (həyatın ali məqsədinin həzz hissi olduğuna inanan cərəyan – G.Ə) mən. Artıq yeməklər çox fərqlidir. Bəyənməyə bilərsiniz. Biz sizin məharətinizə öyrəşdik, siz də bizimkilərə öyrəşin”.

65 yaşlı ulduz evində bir ayı da saxlayacağını da açıqlayıb: "Bir reabilitasiya mərkəzində balaca ayı balaları varmış. Anaları vəhşicəsinə öldürülən, ya da küçədə oynadılan ayı balaları. Bu balaca ayıların bir evə ehtiyacı var. Mən də onlardan götürüb saxlamaq istəyirəm. Siz (tamaşaçılar –G.Ə) mənim həyatımsınız, amma onlar çox incidilirlər. Yeni ev yoldaşım ayı olarsa, təəccüblənməyin”.

Geyimlərinə görə də fərqlənən müğənni bu yaxınlarda “Twist” markası ilə geyim kolleksiyası hazırlamışdı.

Günel ƏSGƏRZADƏ