“Arxadakı körpüləri yandırın”-TÜRKİYƏDƏ

“Arxadakı körpüləri yandırın”-TÜRKİYƏDƏ
24 iyun 2014
# 14:21

Yazar Rövşən Abdullaoğlunun motivasiya psixologiyası silsiləsindən olan “Arxadakı körpüləri yandırın” kitabı Türkiyədə nəşr olunub.

Bu barədə Kulis.az-a müəllifin özü məlumat verib.

Rövşən Abdullaoğlunun sözlərinə görə, kitab Azərbaycanda böyük maraqla qarşılanıb, qardaş ölkədə də maraq doğuracağına ümid çoxdur: “Kitab motivasiya psixologiyası silsiləsindəndir. Ölkəmizdə bu kitabın uğurunu nəzərə alsaq, Türkiyədə də eynilə uğur qazanacağını düşünürük. Kitabda insanın fərdi və ictimai həyatında inkişafına səbəb olacaq bir çox mühüm qaydalar öz əksini tapmışdır. Hər bir mövzu real insan həyatından bədii fraqmentlərlə zəngindir. Kitab qeyri-adi üslubda qələmə alınıb, hər bir mövzuya fərqli yanaşma var. Şərq və Qərb təfəkkürünün sintezli baxışı da kitaba qəribə ab-hava verir. “Arxadakı körpüləri yandırın” kitabımdır. Ancaq son kitab deyildir. Hazırda digər kitablar üzərində də iş gedir”.

Qeyd edək ki, yazar müxtəlif səpkilərdə yazılmış 7 müstəqil, 9 tərcümə və şərh, 2 sırf tərcümə olmaqla 18 kitab müəllifidir.

# 670 dəfə oxunub

Oxşar xəbərlər

# # #