Sibel Kekilli qonaq gəlıb, getmək bilmir

Kino

Ana səhifə
Kino

Sibel Kekilli qonaq gəlıb, getmək bilmir - FOTOSESSİYA

22 iyun 2011

16:35

Türk əsilli alman aktrisa Sibel Kekilli Amerikanın HBO kanalında yayımlanan “Hökmdar oyunu” adlı serialın 9 və 10-cu bölümlərinə çəkilməyə dəvət almışdı. Ancaq filmdə yaratdığı rolla hamının sevgisini qazanan Kekilliyə bu dəfə serialda qalmaq təklifi gəlib.
Corc R.R. Martinin “Buz və alovun nəğməsi” adlı fantastik romanı əsasında çəkilən serialda Kekilli Şeya adlı fahişə obrazını yaradıb. Artıq aktrisa “Hökmdar oyunu” serialının yeni bölümlərində də rol alacaq. O, bu dəfə filmə fahişə kimi deyil, kralın çox yaxın adamının arvadı kimi daxil olacaq.

Sibel Kekilli “Evə dönüş”, “Divara qarşı” kimi filmlərdə rol alıb. Fatih Akının “Divara qarşı” filminə görə Qızıl Ayı və Qızıl Portağal mükafatlarına layiq görülüb.

Günel ƏSGƏRZADƏ