"İMPAC" Dublin Ədəbiyyat Mükafatı 2014- cü il iyunun 12-də təqdim olunub. Kulis.az-ın mükafatın rəsmi saytına istinadən verdiyi xəbərə görə, bu il mükafat Kolumbiya yazıçısı Xuan Qabriel Vaskesin “Düşən əşyaların səsi” kitabına verilib. Ümumilikdə bu il müsabiqəyə 39 ölkənin 110 kitabxanasından 152 namizəd qatılıb.

Beynəlxalq “İMPAC” Dublin Ədəbi Mükafatının həcmi 100.000 (yüz min) avrodur. Namizədlər bütün dünyanın ictimai kitabxanaları tərəfindən təqdim edilə bilər.

Mükafatın proqram məqsədlərindən biri də – Dublinin şöhrətini “Ədəbiyyatın Məkkəsi” kimi yenidən bərpa etməkdir. Mükafat sahibləri içərisində Herta Müller (1998 – “Yaşıl gavalılar diyarı” əsərinə görə) və Orxan Pamuk (2003 – “Mənim adım qırmızı” əsərinə görə) kimi bir sıra ədəbiyyat üzrə “Nobel” mükafatı laureatları da vardır.

Namizədlər içərisində John Banville, V.S.Naipaul, Cees Nooteboom, Jose Saramago, Rohinton Mistry, Antonio Tabucchi, Margaret Atwood, Don DeLillo, İan McEwan, Haruki Murakami, Toni Morrison, Philip Roth, Peter Carey, Carlos Fuentes, Jonathan Franzen, John McGahem, Julian Barnes, J.M.Coetzee, Cormac McCarthy, Salman Rushdie, Barbara Kingsolver, Joyce Carol Oates kimi yazıçılar da vardır.

Dublin mükafatı təkcə maddi anlamda dünyanın ən böyük mükafatlarından deyil, eyni zamanda ən demokratik mükafatlarındandı. Belə ki, istənilən ölkədən və millətdən olan yazıçı bu mükafata əsər təqdim edə bilər. Yeganə tələb namizədliyi irəli sürülən kitabın mütləq ingilis dilində nəşr olunmuş olmasıdır.

• Məşhur aktrisa filmlərə çəkilməməyinin səbəbini açıqladı
• "Baharın 17 anı" filminin tanınmış aktyoru vəfat etdi
• Marina Svetayevanın "Cənnətin limanında" şeir toplusu nəşr olundu