“Şəhriyar mənim nanay müğənni olduğumu harda görüb? O mənim apardığım məclisləri görsəydi, belə danışmazdı”.
Bu sözləri Kulis.az-a verdiyi açıqlamada müğənni, yazıçı Zəka Vilayətoğlu bildirib.
Zəka Vilayətoğlu ədəbi mükafat təsis etməsində qeyri-adi bir şey olmadığını deyib: “Mən xeyriyyəçiliyi sevən adamam. Bu mükafatı da yazıçılarımıza dəstək məqsədilə təsis etmişəm. Düşünürəm ki, pis bir iş görməmişəm. Ədəbiyyatdan uzaq adam da deyiləm. Qarabağla bağlı ən yaxşı hekayə müsabiqəsi də keçirmişik, ayın 16-da qaliblərin adı açıqlanacaq. Belə işləri hansı müğənni görür? Siz də buna dəstək vermək əvəzinə tənqid edirsiniz. Ancaq inanın ki, yazılanlardan heç bir narahatlıq keçirmirəm. Sağ olun ki, məsələni diqqətdə saxlayırsınız”.
O, təsis etdiyi mükafata məhz “Zəka” adı verilməsinə də münasibət bildirib: “Mən bu mükafata öz adımı vermək istəsəydim “Zəka Vilayətoğlu” mükafatı təsis edərdim. Zəka çox gözəl addır, özündə çox gözəl mənanı ehtiva edir. Bu nöqteyi-nəzərdən mükafatın “Zəka” adlandırılmasında da qəribə heç nə yoxdur”.
Xatırladaq ki, bir neçə öncə Zəka Vilayətoğlu “Zəka” ədəbi mükafatı təsis edib. Yazıçı Şəhriyar del Gerani Kulis.az-a göndərdiyi müraciətdə onun bu addımını kəskin tənqid edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər