Meqan Foksu filmdən qovdular

Kino

Ana səhifə
Kino

Meqan Foksu filmdən qovdular

21 iyun 2011

11:55

Aktrisanın filmdəki rolunun əlindən alınmasına səbəb müsahibəsində filmin rejissoru Maykl Beyi “əsl Adolf Hitler” adlandırması olub. Müsahibədən sonra əslən yəhudi olan filmin prodüseri Stiven Spilberq rejissor Beyə: “Onu elə indi qovun” deyə göstəriş verib.

“Tranformerlər” filmində Foks əsas rolu ifa edən Şaya Lavafın rəfiqəsini oynayırdı. Artıq həmin rolu ifa etmək üçün başqa aktrisa da seçilib. Bu böyük kinoda debüt edəcək model Rouzi Hantinqton-Uaytlidir.

Əvvəllər model olmuş Foks filmdən qovulduğunu qəbul etmir və özü getdiyini bildirib.

Dəfələrlə ilin ən seksual qadını seçilən Foksun da debütu “Tranformelər” filmi ilə olub. Bu filmdən sonra aktrisaya bir çox filmlərdə oynamaq təklifi gəlib. Ancaq onun aktyor həmkarları: “Onun filmlərə o qədər də marağı yox idi. Maykl (Bey) bu qıza hər bir gənc aktrisanın istəyəcəyi şansı vermişdi” deyə rəy bildiriblər.

May ayında keçirilən Kann Film Festivalında rejissor Lars Von Triyer də nasist fikirlərinə görə qovulmuşdu.

Günel Əsgərzadə