“Qanun” Nəşriyyatı üç yeni kitab nəşr edib. Bunlar Covanni Bokkaççonun “Dekameron”, Elif Şafakın “Qara süd” və Ahmet Ümitin “İstanbul xatirəsi” kitablarıdır. .
“Dekameron” əsərini Covanni Bokkaçço 1352-1354-cü illər arasında yazmışdır. Bu əsər İtaliyada bədii nəsrin əsasını qoymuşdur. O zamankı italyan həyatını geniş təsvir edən, dinə, mövhumata və tərki-dünya ideyalarını təbliğ edən kilsəyə öldürücü zərbə endirən “Dekameron” İntibah realizminin parlaq ifadəsini verən sənət abidələrindən biridir. Kitabın tərcüməçisi Beydulla Musayevdir.
Elif Şafakın ilk avtobioqrafik əsəri olan “Qara süd” romanı analıq və yazıçılıq probleminin anatomiyasını heyrətamiz dəqiqliklə açır. Tərcüməçi Nəriman Əbdülrəhmanlıdır.
Ahmet Ümitin “İstanbul xatirəsi”ndə nədən bəhs olunur? Bizantiondan İstanbula uzanan həyəcanla dolu sərgüzəşt... Sarayburnunda, Atatürk heykəlinin dibində meyit... meyitin ovcunda antik pul... Amma nə bu meyit son qurban, nə də həmin antik pul son sikkədi... Yeddi qurban, yeddi hökmdar, yeddi sikkə, yeddi qədim yer... Bir də yeganə bir həqiqət – şəhərin sirli tarixi. Tərcüməçisi Nəriman Əbdülrəhmanlıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər