news-inner
clock14:12 calendar-gray 22 May 2014 view-gray608 dəfə oxunub
view-gray608 dəfə oxunub

"Xoşbəxt"in təqdimatı olub

Gənc yazar Gülnar Əhməd yeni kitabının imza gününü keçirilib.

Kulis.az saytı xəbər verir ki, təqdimat "Əli və Nino" kitab mağazasında baş tutub. "Xoşbəxt" adlanan kitabın təqdimatında yazarlar, qeyri-hökumət təşkilatları təmsilçiləri, ictimaiyyət nümayəndələri iştirak edib.

Tədbiri giriş sözü ilə açan “Milli Düşüncə İnstitutu” İctimai Birliyinin sədri Taryel Faziloğlu romanın bədii məziyyətlərindən danışıb. O, bildirib ki, "Xoşbəxt" Gülnar Əhmədin ilk kitabıdır: “Kitab insanın müxtəlif hallarını və ruhi, psixoloji durumunu anlatmaqdadır. Yazar kitabında yalnızlığı, ruhi sarsıntıları, insanın mənən tənəzzülünü səmimi və üsyankar bir dillə ifadə edir”.

Yazar Oktay Hacımusalı qeyd edib ki, bu romanla artıq heç nəyi gizlətməyin mümkün olmadığını düşünən yazar bizlərə insanların görmədiyimiz – pərdə arxasındakı hallarını göstərib: “Romanda heç bir izah yoxdur, burda hər bir qəhrəman özü özünü izah edir və həqiqət özü ortaya çıxır. Kimin xoşbəxt olduğuna isə oxucu öz düşüncəsinə görə qərar verir”...

Sonda yazar Gülnar Əhməd iştirakçılara öz təşəkkürünü bildirib və kitabını imzalayıb.

news-inner-user

12552 məqalə

Paylaş

Oxşar xəbərlər

Xəbər lenti