news-inner
clock14:09 calendar-gray 16 May 2014 view-gray1700 dəfə oxunub
view-gray1700 dəfə oxunub

“Memory card” – silsiləsi QİSMƏTİN YENİ ŞEİRLƏRİ

Kulis.Az Qismətin yeni şeirlərini təqdim edir.

Şaiqə.

1.

Yaddaşın səhrasında keçmişin mirajları

bir-bir görünüb itir, yadımızda qalana

ömür desək inciməz. Bəs yadda qalmayanlar?

Yeddi yaşdan bu yana az da olsa ömürdü,

üzü ana bətninə diktafon işləməyib...

Yaddaşın arxivindən dumanlı bir görüntü:

ilk dəfədi güzgüdə öz üzümə baxıram.

Əlimi qaldırıram əksimin əli qalxır,

beləcə başlayıram tanımağa əksimi,

əzbərə öyrənməyə, özümün təqlidinə...

Dilin sözsüz illəri görən necə olmuşuq,

necə düşünmüşük biz? İndi masa masadır,

onda nəydi görəsən? İndi ana anadır,

onda kimiydi görən? Məsələn, kar doğulsaq,

eşitməsək ki, nə cür səslənir ana sözü,

anamız kim olardı? Dörd yaşımın fotosu:

deyirlər ki, bu sənsən, bu, mənəm çox güman ki,

amma deməsəydilər, kim olardım, bilmirəm.

2.

Yadına gəlirmi tətil günləri – hələ it kökünə düşməmiş o bağ,

hovuz, qumsallıq, bürkülü axşamlar, ağcaqanadlar,

o köhnə teleskop gözündə qalan on yeddi yaşın səması?

Həmin kələ-kötür, dolanbac yoldu;

yazmağı bilməyən dəcəl bir uşaq

əlinə ilk dəfə qələm alanda,

bütün divarları necə yazırsa,

bu yol da eləcə əyri-üyrüdü.

On il bundan qabaq bu torpaq yolun

solu evlər idi, sağı meşəlik.

İndi həmişəlik – həmişəlikmi? –

zeytun ağacları, şam ağacları,

meşənin içində möcüzə kimi

qəfildən adamın rastına çıxan

futbol meydançası o tərəfdədi –

daşdan çəpərlərin o tərəfində...

On il bundan qabaq bu torpaq yolun

qıvrıla-qıvrıla gedib çıxdığı

o yekə, o azman mavi darvaza

hələ üzümüzə gülə bilirdi.

Onda o darvaza, o azman dəmir,

o Nazim Hikmətin gözü darvaza,

hələ solmamışdı kimsəsizlikdən.

Həyətə girəndə, solda, lap solda,

mavi darvazanın düz dibindəcə,

kiçik it damı var – Çapanın evi.

Yadına gəlirmi, əvvəl qorxduğun,

sonra tumarınla əzizlədiyin,

dünyanın ən gözəl gözlü köpəyi?

Mənim yadımdadır o sevimli it.

Babalar, nənələr öləndən sonra,

həmin bağ evinə gediş-gəlişlər

get-gedə azalıb, öləzidikcə,

o it pəncəsini üzüb hamıdan

dörd-beş il o bağda tək-tənha qaldı.

Sonra da kim bilir, bəlkə bir gecə,

ulduzlu göylərə gözünü dikib,

canında son dəfə təpər taparaq,

yarıit, yarıqurd bir nalə ilə

bizim adımızı hürdü yollara...?

Mənim yadımdadır həmin qarlı qış,

getdik ki, o gözəl, o nəcib heyvan,

buzdan heykəl olub həyətimizdə...

O vaxtdan qorxuram, yaman qorxuram,

qorxuram nə vaxtsa qəfil qış günü

çoxdandı arayıb-axtarmadığım

kimisə axtarıb tapa bilmərəm...

Gələcək.

Keçmişin nə qədər ayağı olur-olsun,

“İndi” dediyimiz zaman qırıntısı

nə qədər sürətlə köhnəlir köhnəlsin,

gələcək başlayıb artıq.

Çox keçməyib Böyük Qardaşın

baxışları altındakı ömrümüzdən,

amma deyəsən

artıq özümüz özümüzün polisi olmuşuq.

Çox da dərd etməməli,

çünki hamımız sabahın antik dövrüyük.

Amma təkcə yaxşı adamlar yox,

əclaflar da unutmasınlar gərək,

unutmasınlar ki, gələcək hələ uzun çəkəcək...

Xaric not.

Elə ki, səhnədəkinin boğazı qurudu,

başladı xaric oxumağa,

onda əlüstü mikrofonu tamaşaçılara

uzatmaq vacib olur.

Hə, əziz və hörmətli tamaşaçılar,

alqışlayan əlləriniz var olsun,

ta keçib zəhmətdən bir az da siz oxuyun,

utanmayın, çəkinməyin,

buyurun, siz Allah, buyurun.

Elə ki, o müqəddəs mikrofon

əziz və hörmətlilələrə tərəf uzadılır,

xor işə düşür, onda bircə qalır

reklamları gözləmək,

sonrası asan məsələdi, çooox asan məsələ.

news-inner-user
Qismət

184 məqalə

Oxşar xəbərlər

Xəbər lenti

Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi Beynəlxalq Turizm Filmlər Festivalının qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020
Dörd min ildi dustağam - Adil Şirinin şeirləri
12:20 19 Sentyabr 2020
Dovlatovun heç yerdə çap olunmamış şeiri sərgiləndi
11:05 19 Sentyabr 2020
Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir?
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020