news-inner
clock16:47 calendar-gray 13 May 2014 view-gray4036 dəfə oxunub
view-gray4036 dəfə oxunub

“İşim kişiləri yoldan çıxartmaqdır” MÜSAHİBƏ

Məşhur Hollivud aktrisası Skarlett Yohanssonun çəkildiyi yeni film “Under the Skin” (Dərinin altında) adlanır. Rejissoru Conatan Qleyzer olan fantastik trillerdə yadplanetli qadın yerə enərək kişiləri başdan çıxarır, öz planetlərinə yollayır. Hadisələr Qlazqo ətrafında baş verir. Bəzi səhnələr dokumental çəkilib. Yohansson doğrudan da təsadüfi kişilərə yaxınlaşıb onları tovlayır və onunla sevişməyi dilə tuturmuş.

- Nədən az büdcəli filmdə oynamağa razılıq verdiz?

-İntim yaradıcı mühitdə kiçik komandayla işləməyi sevirəm. Filmdə çox az dialoq var. Amma çəkiliş meydanından kənarda biz üç il filmi müzakirə eləmişik. Sonra müzakirələr iş zamanı da davam elədi. “Qisasçılar” filminin büdcəsi Conatanın filmindən azı 20 dəfə çoxdur. Amma söhbət yüksək büdcəli filmdən gedəndə ssenari ən xırda detalına kimi düşünülür, prodüser və məsləhətçilər isə rejissora özünü ifadə üçün çox imkan vermirlər. Yeri gəlmişkən, fikir verin, mənim adım daha çox hansı filmlərdə hallanır: “Tərcümənin çətinliyi”, “Matç point”, “Viki, Kristina, Barselona”. Bütün bunlar kiçik büdcəli filmlərdir.


- Sənədli çəkiliş zamanı siz küçədə bu qədər kişini necə tovladız və eyni zamanda sudan quru çıxdız?

-Conatan mənə dedi ki, çəkilişdə yeganə qadın olacam və digər personajları özüm tapmalıyam. Hollivudun sərt kastinq sisteminə alışdığımdan əvvəlcə rejissorun sadəlövhlüyünə təəccübləndim. Sonra düşündüm ki, küçəyə çıxıb istənilən adamı seçə bilərəm. Amma küçədə məni tanımamalıydılar. Heç kəsin ağlına gəlməzdi ki, kinoulduz gecələr mikroavtobusa minə bilər. Məni elə qrim eləmişdilər ki, tanımaq çətin idi. Səhnələri gizli kamera ilə çəkmişik. Hətta səhnələrdən birində mən yıxılıram və kişilər yardım edirlər. Küçədən keçənlərin ağlına da gəlmədi ki, çəkilişdədilər və özlərini böyük ekranda görəcəklər.

- Bu, yəqin ki, ən çətin tapşırıqlardan biri idi.

- Ssenariyə görə, mən kişilərə divan tutmadan öncə onları başdan çıxarmalıydım. Belə rolun verilməsi, mənim soyunanda özümü rahat hiss etmədiyim çox saylı çılpaq səhnələrimlə bağlıdır. Mən kamera qarşısında soyunmağı və xüsusən, lüt-üryan olmağı sevmirəm. Ona görə ilk dövrdə özümü narahat hiss edirdim. Sonra anladim ki, bədənimin seksuallığı heç kəsi maraqlandırmir. Rejissora mənim rolumu yaxşı oynamağım lazım idi.

-Məşhur rejissorlarla necə işləyirsiz?

-Bu, mənə adrenalin verir. Vudi Allenin “Matç point” filminə çəkiləndə o qədər həyəcanlanmışdım ki, kəkələməyə başladım. Onda Allen üstümə qışqırdı ki, “Sənin burda nə işin var. Özünü ələ al”. Və ixtiyarsız olaraq həyəcanımı idarə etdim.

- İldə bir neçə filmə çəkilirsiz. Gərgin iş tempi sizi yormur?

-Hər bir flm fiziki və emosional gərginliklə bağlıdır. Bəzən gündə 14 saat işləyirəm, tez-tez səndən xüsusi vərdişlər tələb olunur. Məsələn, “Ada” filmində idman zalını o qədər də sevməyən mən yüngül atletika ilə məşğul oldum. Çünki obrazım çox qaçmalıydı. Hətta bir dəfə 30 km qaçmalı oldum. Bilirsiz, həyatımın ən xoşbəxt anı odur ki, rejissor kameranı saxlayır və “Stop. Çəkildi. Afərin Skarlett” deyir.

-Sizi seks simvol adlandırmaq zövq verir?

-Səni eybəcər saymaqdansa yaxşı və seksual hesab etmələri daha yaxşıdır, deyilmi? Məni Merilin Monro, Qreta Qarbo adlandıranda əsəbləşirəm. Karyerama görə Sofiya Koppolaya borcluyam. “Tərcümənin çətinliyi” filmindən sonra uğur gətirdi. Bu filmə kimi az əhəmyyətli rollarda oynamışam. Onda heç kəsin ağlına da gəlmirdi ki, məni Hollivud ulduzları ilə müqayisə etsin.

-Peşənizdə ən çətini nədir?

-Səhər oyanmaq, rolunu ideal öyrənib vaxtında işə gəlmək. Və bir də yaxşı aktrisa və insan olmaq. Seks simvol və ya ikona olmaq istəmirəm.

Çevirdi: Sevda SULTANOVA

Oxşar xəbərlər

Xəbər lenti

Filmimiz Parisdə nümayiş olundu
18:49 19 Oktyabr 2020
Rəssamlar İttifaqı Silahlı Qüvvələrə Yardım Fonduna ianə edib
18:11 19 Oktyabr 2020
Niyə inşa edilmişdi, üstündən kimlər keçdi? - Xudafərin körpüsü
17:28 19 Oktyabr 2020
Azərbaycanlı yazıçı koronavirusa yoluxdu
16:52 19 Oktyabr 2020
Az qalıbdır, Qarabağı qucmağa - Ordumuz haqda şeirlər
16:07 19 Oktyabr 2020
Məşhur meyxanaçılar Qarabağa klip çəkdi - Video
15:28 19 Oktyabr 2020
Atalığı onu zorla diləndirdi, əri ona görə dinini dəyişdi, səhnədə dirijoru söydü – Xalq artistinin film kimi həyatı
14:51 19 Oktyabr 2020
Zamin Hacı Füzulinin azad edilməsindən danışdı: “Sürpriz oldu”
14:10 19 Oktyabr 2020
Şərif Ağayarın romanı Fransada çap olundu
13:30 19 Oktyabr 2020
Cəbhəyə şəkil çəkdirməyə gedən məşhurlar
12:44 19 Oktyabr 2020
Türk ulduzlardan Azərbaycana qardaş dəstəyi: “Hər zaman yanınızdayıq”
12:10 19 Oktyabr 2020
Qadınlar ağlaya-ağlaya bizdən imdad diləyir - Tolstoyun qızı erməni vəhşiliyindən yazır
11:20 19 Oktyabr 2020
Məşhur rus yazıçısı vəfat edib
10:45 19 Oktyabr 2020
Nuri Bilge Ceylanın filminə 470 min avroluq dəstək
10:02 19 Oktyabr 2020
Rus aktyor: “Rusiya TV-ləri erməniləri müdafiə edən yalanlar danışır” – Müsahibə
08:58 19 Oktyabr 2020
Azərbaycan bayrağı – Günün şeiri
11:03 18 Oktyabr 2020
Dostu üzünə durdu, şərlənərək həbs olundu, yaddaşını itirdi... - Məşhur yazıçımızdan maraqlı faktlar
16:30 17 Oktyabr 2020
Şərqli atanı cəzalandıran olacaqmı?
15:33 17 Oktyabr 2020
Dağlar buludlardan uca olardı - Rayonu azad olunan şairdən şeir
14:36 17 Oktyabr 2020
Anası Füzulidə, atası Bakıda dəfn olunan aktyor: "Onları qovuşduracağam"
13:51 17 Oktyabr 2020