news-inner
clock09:00 calendar-gray 14 May 2014 view-gray9353 dəfə oxunub
view-gray9353 dəfə oxunub

Mina Sovetski Axundovu tanımadı

Kulis.Az-ın yeni layihəsi - “Səsdən sözə”

Budəfəki qonağımız Mina Sovetksidir.

- Orta məktəbi necə oxumusuz?

- Orta məktəbi demək olar ki, oxumamışam. Yəni dərslərdən qaçmışam, ağzımda saqqız dərsdə oturmuşam. Uşaqlıqdan dəcəl olmuşam e, başlarına oyun açmışam. Qulaqcıq taxıb mahnılara qulaq asmışam. Musiqili oxumuşam məktəbi. Hətta müəllim məni dərs danışmağa çıxardıb deyəndə ki, dərsi danış, çıxıb onlar üçün mahnı oxumuşam. Onlar da mənə qoşulublar. Həm çox dəcəl, həm də çox aqressiv olmuşam məktəb vaxtı. Əşyalarıma qarşı özü də. Kimsə toxunanda dəli olurdum. Bir qız var idi Fidan, təsadüfən çantamı onun partasının üzərinə qoymuşdum. Gəlib gördüm ki, çantamı götürüb atıb yerə. Hirsləndim gəlib üzünə şillə çəkdim. Sonra anası gəlmişdi üstümə özümü elə apardım ki, guya onu heç mən vurmamışam. Çox dəcəl olmuşam çox (gülür).

- “Uşaq və buz” şeiri yadınızdadırmı? Mümkünsə deyin...

- Bilirəm bu şeiri. Deyə də bilərəm:

Dərsə gedən bir uşaq
Çıxdı buz üstə qoçaq;
Sürüşdü birdən-birə,
Düşdü üz üstə yerə.
Durdu uşaq neylədi?
Buza belə söylədi:
“Sən nə yamansan, a buz!
Adam yıxansan, a buz!
Az qalıb ömrün sənin,
Yaz gələr, artar qəmin:
Əriyib suya dönərsən,
Axıb çaya gedərsən!”

- Məktəb illərindən hansı əsərləri xatırlayırsınız?

- “Xəmsə” əsərini tanıyıram. Nizami Gəncəvi yazıb.

- İlk oxuduğunuz kitab? Mümkünsə ətraflı xatırlayın. Necə və hansı şəraitdə oxudunuz.

- İlk oxuduğum kitab “Əlifba” kitabıdır. Birinci sinifə gedəndə oxumuşam. O da ki, qırıq-qırıq.

- Həyatınıza təsir edən kitablar olubmu?

- Kitab deməzdim. Ssenari olub. “Xoca” filminin ssenarisi mənə çox təsir etmişdi. Onun mahnısını da mən oxumuşam. Sözləri və musiqisi çox təsirli idi.

- Müqəddəs kitablarından hansıları oxumusuz?

- “Qurani Kərimi” və “İncil”i oxumuşam. O da ki, məlumatım olsun deyə maraqlanmışam. Tam olaraq bilmirəm.

- Axırıncı dəfə nə vaxt kitab oxumusunuz?

- Keçən il bu vaxtı. “Qabusnamə”ni oxumuşam.

- Kitab seçiminizə nə təsir edir?

- Nə təsir edir? Kitab almışam ki? (gülür). “Qabusnamə”ni almışam. Onu da ki, mənə məsləhət görüblər. Məsləhətlə alıram çox vaxt. Məsləhətdən də çox şey asılıdır. Kitab hədiyyə ediblər mənə. Müğənni Ramal hədiyyə etmişdi. Amma mən özüm kitab hədiyyə etməmişəm.

- Hansı fasilələrlə kitab oxuyursunuz? Hər gün, həftədə bir dəfəmi, ya ayda bir dəfə və s.

- Vaxtım olanda çalışıram ki, nəsə oxuyum öyrənim.

- Kitabxananız varmı? Varsa əsasən hansı kitablardır? Yoxdursa, ümumiyyətlə evinizdə kitab varmı?

- Evimizdə kitabxana var. Balaca şkafım var. Orada nə cür istəsəz kitablar var.

- Təkrar oxuduğunuz kitab olubmu?

- Hə, olub. “Qabusnamə”ni təkrar oxumuşam. Niyə mən o kitabın adını çox çəkirəm deyim sizə. O kitab çoxlu məsləhətlər verir oxuyucuya. Həddindən artıq maraqlı kitabdır.

- Hansı mövzular sizə daha maraqlıdır və nə üçün?

- Detektiv. Nəyisə araşdırmaq, ya ona qarşı oyun oynamaq. Gizli işlərlə məşğul olmaq. Ümumiyyətlə mafiyanın içində olmağı çox sevirəm.

- Yandırmaq istədiyiniz kitab olubmu?

- Mən kitabları heç vaxt yandırmaram. İstəsəm belə yandırmaram. Çünki onlar bizə lazımdır.

- Hansı kitabı hamıya oxumağı məsləhət görərdiz?

- “Qabusnamə” kitabını (gülür). Doğrudan çox maraqlı kitabdır.

- Kitab oğurlamısınızmı?

- Hə olub ki ,kitabxanaya getmişəm kitab alıb-oxumuşam, marağımı çəkib, götürmüşəm, oxuyub qurtarmışam, amma qaytarmamışam (gülür).

- Maraqlı hesab etdiyiniz yazıçı və şairlər...

- Hərənin öz dəsti xətti var. Kimin ruhuna nə yaxındırsa alsın onu oxusun.

- Sevdiyiniz şeir hansıdır? Əzbə bilirsinizmi?

- Mirzə Ələkbər Sabirin “Nə işim” var şeirini əzbər bilirəm.

Səs salma, yatanlar ayılar, qoy hələ yatsın,
Yatmışları razı deyiləm kimsə oyatsın,
Tək-tək ayılan varsa da həqq dadıma çatsın,
Mən salim olum cümlə cahan batsa da batsın;
Millət necə tarac olur olsun, nə işim var?!
Düşmənlərə möhtac olur olsun, nə işim var?!

- Oxuduğunuz mahnılarda sözlərə fikir verirsinizmi?

- Mütləq fikir verirəm. Çünki mənim oxuduğum mahnılarda hər bir bənd bir mesajdır.

- Sizcə Axundov kimdir?

- Axundov bizim evimizin yaxınlığımızdakı parkdır. Hərdən orada istirahət edirəm.

- Cavablara görə təşəkkürlər.

- Mən sizə təşəkkür edirəm. Bütün oxuyucularımızı öpürəm çoxlu çoxlu.

Oxşar xəbərlər

Xəbər lenti

Dəb xəstələri üçün 10 film - Siyahı
16:41 29 May 2020
Mehriban Ələkbərzadə: "Mədəniyyət naziri olmaq istəmirəm"
15:03 29 May 2020
"Altun kitab" uşaqlar günü ilə bağlı qeyri-adi layihəyə start verdi
14:40 29 May 2020
Merilin Monronun çılpaq şəkli hərraca çıxarıldı- Foto
13:36 29 May 2020
70 yaşında ata olan qocanın evindən reportaj
12:22 29 May 2020
Nəbi Xəzrinin sözlərinə bəstələnən mahnıya klip çəkildi
10:40 29 May 2020
Dünyada ən çox satılan bestsellerin müəllifi vəfat etdi
09:49 29 May 2020
Elə bildim cin yığnağına düşmüşəm - Bircənin romanı
08:59 29 May 2020
Qəfəsdəki quşların uçduğu göylər göynər - Şəhriyarın yeni şeirləri
16:45 28 May 2020
Əmi, bəlkə köhnə ayaqqabın ola? - Alikin yeni şeiri
16:00 28 May 2020
Reha Erdemden yeni film
14:45 28 May 2020
Mənim Habil Əliyevim - Şərif Ağayar yazır...
13:33 28 May 2020
Səni unutmarıq biz vətən andımız kimi!
12:50 28 May 2020
Ziyarətçi sayı 71 gündə on milyonu ötdü
11:45 28 May 2020
Məşhur rejissor yeni film çəkdi
10:40 28 May 2020
“Azərbaycan Xalq Cümhuriyyəti” adlı virtual sərgi
09:35 28 May 2020
Sən ey sağa, sola qılınc vuran qol! - Əhməd Cavaddan istiqlal şeirləri
09:25 28 May 2020
O mən idi, mən o deyildim - Şəhla Nihandan yeni hekayə
16:34 27 May 2020
Arxanca gələn tünbətün olsun - Yeni qəzəllər
15:27 27 May 2020
"Peyğəmbəri adam"ın qeydləri - Aydın Talıbzadə yazır...
14:27 27 May 2020