Varisin “Son məktub”u “Ən populyar 1000 kitab” reytinqinə daxil olub

Varisin “Son məktub”u “Ən populyar 1000 kitab” reytinqinə daxil olub
8 may 2014
# 16:50

Varisin İstanbulda işıq üzü görən “Son məktub” romanı Türkiyənin nüfuzlu “1000 Kitab.com” portalındakı “Ən populyar 1000 kitab” reytinqinə daxil olub. Bu barədə Lent.az-a məlumat verən yazıçının sözlərinə görə, roman sürətlə irəliləyərək 192-ci mövqedə qərarlaşıb.

Fyodor Dostoyevskinin “Cinayət və cəza”, Xalid Hüseyninin “Çərpələng uçuran”, Paolo Koelyonun “Kimyagər”, Əlif Şəfəqin ”Aşk”, Rəşad Nuri Güntəkinin “Çalıquşu” kimi romanlarının yer aldığı reytinqdə Türkiyə kitab bazarında dövriyyədə olan 60 min adda yerli və xarici, habelə klassik yazıçıların ən çox bəyənilən romanları yer alıb.

“Son məktub” romanı bu ilin mart ayında çap olunub.

“1000 ən populyar kitab” reytinqi adıçəkilən ədəbiyyat portalında “Ən çox oxunan kitablar” və “Ən yaxşı kitablar” reytinqləri ilə yanaşı, çoxminli ədəbiyyat həvəskarının rəyi əsasında formalaşır.

# 1271 dəfə oxunub

Oxşar xəbərlər

# # #