writer1

Sevda Sultanova

Məqalə sayı

860
clock12:28 calendar-gray 23 Aprel 2014 view-gray1714 dəfə oxunub
view-gray1714 dəfə oxunub

Antepin nəyini sevdim?

Doğrusu, Qaziantepin adını ilk dəfə türk seriallarında ( “Zərda”, “Yabançı damat”) eşitmişəm.

Türkiyənin Cənub Şərqində yerləşən, daha çox əski - Antep adıyla tanınan bu bölgə ilə bağlı bizim təsəvvürümüz elə də ürəkaçan deyil: mühafizəkar, qatı dindar, yeniliyə qapalı.

Antepdə qaldığım bir həftə ərzində bu təsəvvürün daha çox stereotip olması qənaətinə gəldim.

Təbii ki, şəhərin mühafizəkar, sosial həyata qapalı, yeniliklərə açıq olmayan məhəllələri, insanları da var. Amma ümumilikdə alınan ilk təəssürat pozitivdir.

Böyüklüyünə görə ölkənin altıncı şəhəri Antep sənaye, turizm sahələri inkişaf eləmiş, modern, sakit, xoş məkandır.

Antepdə məni təəccübləndirən şeylərdən biri baş çəkdiyim kafelərdə cazın, blüzun, klassik, retro pop və rok musiqisinin səslənməsiydi.

Məsələn, paytaxt Ankaranın olduğum ən yaxşı kafelərində belə buna rastlamamışam.

Kafe və restoranlarda alkoqollu içkilərin verilməsi azalsa da, şəhərin mərkəzində yerləşən, istənilən içkini təklif edən xudmani, özünü rahat ortamda hiss edə biləcəyin istirahət məkanları var.

Bura əsasən, orta təbəqənin nümayəndələri gəlir.

Suriyadakı müharibədən sonra bölgəyə qaçqın axını başlayıb. Onların gəlişindən sonra Antepdə oğruluq, qətl hadisələri artıb.

Yaşamağa yerləri olmayan qaçqınlar əsasən yaz-yay aylarında parklarda açıq havada yatır.

Ona görə gecələr şəhərin bəzi yerlərində küçələrə tək çıxmaq o qədər də təhlükəsiz deyil.

Bir az imkanlı suriyalılar isə ev kirayələyirlər. Amma kirayənin yalnız ilk ayını ödəyirlər. Sonrakı aylarda kirayə haqqını verməkdən imtina edirlər: “Bizə nə? Gedin pulu Erdoğandan istəyin. Bizi bura o, çağırıb, qayğımıza da qalsın”.

Hətta polisin belə onları evlərdən çıxarmağa gücü yetmir.

Ümumiyyətlə, yerli əhalidə suriyalılara qarşı aqressiya var.

Hətta iş o yerə çatıb ki, anteplilər suriyalıların sıx toplaşdığı məkanlara getməməyə çalışırlar.

...Qonağı olduğum anteplilər orta təbəqənin nümayəndələridir.

Şəhərin nisbətən zəngin məhəlləsində yaşayırlar.

Ev sahibləri deyir ki, əsil-köklü anteplilər AKP-yə səs verməyib və onun siyasətini dəstəkləmirlər.

Sadəcə, bu bölgə iqtisadi cəhətdən çox inkişaf elədiyi üçün Malatyadan, Urfadan, Diyarbakırdan köç edənlərin sayı son illərdə artıb və Erdoğan hökumətini dəstəkləyənlər də əsasən onlardır.

Onların fikrincə, AKP islam dinini manipulyasiya edir, Fətullah Gülən məktəblərində isə islam dini olduğu kimi təbliğ olunur. Hərçənd, onlara görə bu təbliğat da ölçüsünü itirir. Çünki kiçik yaşlı uşaqlara dinin aşırı təbliğ edilməsinin doğru olmadığını düşünürlər.

Onlar əski anteplilərin dinə fanatikcə, aşırı bağlı olmadığını deyirlər.

...Antep zəngin mətbəxi, xüsusən paxlavaları, kababları ilə məşhurdur.

Yolunuz Antepə düşsə, mütləq katmer yeyin.

Antep fıstığı ilə hazırlanan bu şirniyyatın zərif dadı var, mədəyə ağırlıq gətirmir.

Altı əzməli tikə kababından, kaşar pendirli simitindən, köftəli badımcan kababından, alaca, paça şorbalarından da mütləq dadın.

Antepin özəlliklərindən biri burda keçmişlə çağdaşlığın sarılaraq, qucaq-qucağa yaşamasıdır.

Təsadüfi deyil ki, Antep ta qədimdən indiyədək yaşayışın olduğu, dünyanın ən əski şəhərləri siyahısına daxildir.

Şəhərin mərkəzində bir neçə metr hündürlüyündə dairəvi Qaziantep qalası yerləşir. Qalanın tarixi dəqiq bəlli deyil. Ehtimallara görə, romalıların hakimiyyəti dönəmində inşa edilib.

Qalanın yaxınlığındakı qədim tarixə malik çarşı, karvansaray restavrasiya edilib.

...Çarıq Antepin artıq dünyaca məşhur brendlərindən biridir.

Şəhərdə, xüsusən çarşıda zəngin çeşidli çarıq dükanları var. Burda münasib qiymətə, zövqünüzə uyğun çarıq almaq mümkündür.

“Troya”, Harri Potter, “Eragon” filmlərində personajların istifadə etdikləri çəkmələr, çarıqlar, sandallar Antepli usta Orxan Çakıroğlunun əl əməyidir.

Hətta “Troya” filmində baş rolun ifaçılarından biri Bredd Pitt onun hazırladığı çarıqlara heyran olub və O. Çakıroğlu xüsusi çəkmə hazırlayaraq məşhur aktyora hədiyyə edib.

REKLAM

Yazarın digər yazıları

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021