Tural Metesoy
Heç bir zaman dərdini deyəcək birini tapa bilməyəcəksən
Hürriyyət şərbəti içməyib
Ruhuna rahatlıq axtarmadan
Tənələrin müstəmləkəsindən qurtulmayanadək
Sən, ey boşanmış qadın!
Əyninə keçirilən ağ gəlinlik kəfən kimi görülürsə çox gözlərdə
O gözlər sənin çəkilmiş əzablarını necə görsün?
Hər əxlaqsızın əxlaq tələbləri qarşısında
Azadlığın boğulduqca
Himayədarlıq iqtidarında bitəcək, tükənəcək
Sən ey boşanmış qadın!
Sakitlik tapırsansa hər yalqız gecələrinin göz yaşlarilə
Bil ki, sabah günəşinin nurları səni əzmək üçün
Yeni günə səsləyir
Axtarma o zaman sakitlik və sükutunla hüzuru
Gizlənmə sənə edilən
Süni himayədarlıq təklifləri arxasında
Başını dik tutub baxmağı bacar
Hər iyrənc tənəli, kinayəli gözlərə
Və yanlarından keçib gedərək
Ayağının altına atıb əz tulla zibil kimi
Əhəmiyyət vermə hər deyilən sözlərə
Sən, ey boşanmış qadın !
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
