news-inner
clock09:00 calendar-gray 12 Aprel 2014 view-gray3739 dəfə oxunub
view-gray3739 dəfə oxunub

Tanınmış aparıcı: “Remboya sevgi məktubu göndərmişdim”

Müsahibəni edəcəyim xanımla söhbətləşməyə düzünü desəm bir az qorxurdum. Çünki qonağım bir az hazırcavab, yumor hissi hədsiz güclü olan və ən əsası qarşısındakı ilə amansız zarafat etməyi çox gözəl bacaran Aytən Səfərovadır. ANS telekanalında yayımlanan “Salam Azərbaycan” verilişinin aparıcısı....

- Aytən xanım yemək, yoxsa yeməmək?

- Baxır nəyi. Amma yedizdirmək – bax, bu, hər kəsin işi deyil.

- Hansı yeməkləri sevirsiz?

- İsti, acılı, dadlı. Dənli bitkiləri çox sevirəm, onlardan hazırlanan hansı yeməklər varsa, velkam mədəmə...

- Özünüz hansı yeməyi ustalıqla bişirirsiz?

- Sulu xörəklər məndə yaxşı alınır. Bundan başqa, plov bişirirəm ustalıqla, müxtəlif salatlar, xüsusilə “Paytaxt” və “Sezar” məndə əla alınır, kupatı, pxali, eləcə də suşini özüm hazırlayıram.

- Bizim mətbəxlə digər ölkələrin mətbəxi arasında fərq nədi?

- Bizim mətbəxdəki yeməklərin əksəriyyəti insanın damağının dadını oxşayır. İçində çoxlu ədviyyatlar olmur. Ədviyyat adətən yeməyin əsl dadını qaçırır. Bizdə ədviyyatlar əksər hallarda şirniyyatda olur. Bir də ki, bütün dünyada kartof qızardırlar, amma bizim “palatka” toylarında qoca nənələrin yekə teştin içində iri duzla bişirdikləri kartofa heç nə çata bilməz. Bizim yemək bişirənlərimizin əlləri dadlıdır, yəqin mətbəximizin yeməklərinin də dadlı olması bundan irəli gəlir.

- Fast foodla aranız necədi?

- Pis deyil. Qızardılmış toyuq qanadları və krevetləri sevirəm.

- Kababa münasibətiniz?

- Kababa münasibətim superdi. Amma qanlı yox. Yaxşı bişmiş, özü də acı bibər, badımcan, pomidor kababı və közləmə kartof yanında olmaq şərtilə, yoxsa kabab nəsə “nakam” alınır e elə bil.

- Dietaya münasibətiniz?

- Dieta?! O nədir ki? Zarafat eləyirəm. Bilirsiz, bir göz qırpımında həyatımın 32 ili gedib, bir göz qırpımında da bu qədəri də gedə bilər, az və ya çox. O dünyada məndən soruşanda “xeyirli nə iş görmüsən”, deyim ki, dietada oturmuşam? Dieta bu dünyanın malıdır. Bu dünyada Allah nemət yetirir, yeyirəm. Şükür də edirəm. Başımı və vaxtımı o dünya üçün azuqə toplamağa sərf eləmək ac-susuz qalıb bədənimi düşünməkdən daha vacibdir. Həm də ki, məni dietasız sevirlər. Dietada oturanlar isə əksər hallarda onlara sevdiklərinin də hislərində dieta yaradır. Qadın hərtərəfli qadın olmalıdır, quru taxta yox.

- Sizi təəccübləndirən hansı yemək olub?

- Krevetlər və ustrisa. Ömrüm boyu hesab eləmişəm ki, murdardılar, amma sən demə halal buyurulubmuş, özü də dadlıdır. Ona görə də bir bacı məsləhəti – nəyisə yeməzdən əvvəl onu pisləmək olmaz.

- Siz birdən-birə xeyli çəki atdız? Bunu necə elədiz?

- Bunu özümü rejimə salmaqla elədim, yəni ki, səhər nəyi var yeyirdim, günorta sup içirdim, gün ərzində də çoxlu maye qəbul edirdim, axşamüstü də meyvə dilimləri. Amma mənim ən böyük problemim elə səhər yeməyilə əlaqədardı. Yenə də səhərdən günortayadək ac qalıram, bu da öz təsirini göstərir. Bu da ki, məzuniyyət zamanı oldu yenə... Kəndə gedəndə rejim nədi e?

- Ova münasibətiniz necədi?

- Əvvəl özüm də gedirdim, bir neçə dəfə ördək vurmuşam. İndi isə pisdir münasibət. İstəmirəm hansısa canlı öldürülsün.

- Kiminsə yeməyi üçün darıxmısız?

- Rəhmətlik nənəmin əməköməci ilə bişirdiyi yumru düyü supu və əvəliklə bişirdiyi plovdan ötrü... Allah cəmi ölənlərə rəhmət eləsin.

- Sizdən müsahibə almaq istəyəndə vaxtınızın olmadığını dediz. Ev işlərini necə çatdırırsınız?

- Çatdırmağa çalışıram. Qadın olmaq belədir də. Bu, bizim gücümüzdən və səbirli olmağımızdan irəli gəlir.

- Sosial şəbəkələrdə aktivsiz. Sosial şəbəkələrdə sizə sevgi elan edən olub?

- O qədər. Gülmüşəm, amma cavab verməmişəm. Mən də yeniyetmə yaşlarımda Silvestr Stalloneyə-Remboya eşq məktubu yazıb Moskva, Şabolovka 37-yə göndəmişdim.

- Siz uzun illərdir ki, efirdəsiz... Sizcə efir adamının yeməyi necə olmalıdır?

- Efir adamının yeməyi ağız sulandırmayan olmalıdır. Yemək yedinsə, vəssalam. Efirdə danışığına da təsir göstərəcək, diksiyana da. Efirdən kənar olmalıdır efir adamının yeməyi. Əsas odur ki, “yediyimiz” xəbərlər bizim və başqalarının boğazında ilişib qalmasın.

- Tələbə olanda nə yeyirdiz?

- Tələbə olanda nə yediyim yadımda deyil, amma dəhşət susayırdım. Yemək heç yadıma da düşmürdü düzü..

- Hansı musiqilərə qulaq asırsız?

Musiqilər müxtəlifdir. Hans Zimmer, Nino Rota, Ennio Marekone, Adam Lambert, Queen, Sam Smith, Dan Balan, Flora Kərimova, Zülfiyyə Xanbabayeva, Yalın, Tarkan, Sila.. çoxdur e. O qədər gözəl mahnılar var ki... Maylk Boltonun konsertinə hazırlaşıram böyük məmnuniyyətlə.

- Sevdiyiniz yazıçı kimdi?

- Dostoyevski.

- Bizim xalqın yemək mədəniyyəti sizi qane edir?

- Sizinkini deyə bilmərəm, bizimkilər toya getməlidir. Toyda bütün mədəniyyət üzə çıxır. Orada fikir vermək lazımdır yemək, rəqs, davranış, hətta yeriş mədəniyyətinə. Allah hamımıza şəfa versin.

Oxşar xəbərlər

Xəbər lenti

Filmimiz Parisdə nümayiş olundu
18:49 19 Oktyabr 2020
Rəssamlar İttifaqı Silahlı Qüvvələrə Yardım Fonduna ianə edib
18:11 19 Oktyabr 2020
Niyə inşa edilmişdi, üstündən kimlər keçdi? - Xudafərin körpüsü
17:28 19 Oktyabr 2020
Azərbaycanlı yazıçı koronavirusa yoluxdu
16:52 19 Oktyabr 2020
Az qalıbdır, Qarabağı qucmağa - Ordumuz haqda şeirlər
16:07 19 Oktyabr 2020
Məşhur meyxanaçılar Qarabağa klip çəkdi - Video
15:28 19 Oktyabr 2020
Atalığı onu zorla diləndirdi, əri ona görə dinini dəyişdi, səhnədə dirijoru söydü – Xalq artistinin film kimi həyatı
14:51 19 Oktyabr 2020
Zamin Hacı Füzulinin azad edilməsindən danışdı: “Sürpriz oldu”
14:10 19 Oktyabr 2020
Şərif Ağayarın romanı Fransada çap olundu
13:30 19 Oktyabr 2020
Cəbhəyə şəkil çəkdirməyə gedən məşhurlar
12:44 19 Oktyabr 2020
Türk ulduzlardan Azərbaycana qardaş dəstəyi: “Hər zaman yanınızdayıq”
12:10 19 Oktyabr 2020
Qadınlar ağlaya-ağlaya bizdən imdad diləyir - Tolstoyun qızı erməni vəhşiliyindən yazır
11:20 19 Oktyabr 2020
Məşhur rus yazıçısı vəfat edib
10:45 19 Oktyabr 2020
Nuri Bilge Ceylanın filminə 470 min avroluq dəstək
10:02 19 Oktyabr 2020
Rus aktyor: “Rusiya TV-ləri erməniləri müdafiə edən yalanlar danışır” – Müsahibə
08:58 19 Oktyabr 2020
Azərbaycan bayrağı – Günün şeiri
11:03 18 Oktyabr 2020
Dostu üzünə durdu, şərlənərək həbs olundu, yaddaşını itirdi... - Məşhur yazıçımızdan maraqlı faktlar
16:30 17 Oktyabr 2020
Şərqli atanı cəzalandıran olacaqmı?
15:33 17 Oktyabr 2020
Dağlar buludlardan uca olardı - Rayonu azad olunan şairdən şeir
14:36 17 Oktyabr 2020
Anası Füzulidə, atası Bakıda dəfn olunan aktyor: "Onları qovuşduracağam"
13:51 17 Oktyabr 2020