news-inner
clock13:44 calendar-gray 09 Aprel 2014 view-gray1070 dəfə oxunub
view-gray1070 dəfə oxunub

“Möhtəşəm yüzilin” Mustafası

Son günlərin reytinqlərini qırmış teleserialı “Möhtəşəm Yüzıl”ın Mustafasının ölüm səhnəsi çox danışıldı, çox müzakirə edildi. Təsirlənib ağlayanlar da oldu, Sultan Süleymana qarğış yağdıranlar da, Həsən Köz adlı Bursa şəhər sakini daha irəli gedərək Sultan Süleymanı məhkəməyə də verdi və o, iddiayla çıxış etdi ki, Mustafanı boğdurduğuna görə onu sultanlıqdan məhrum etsinlər.

Hətta Bursada dəfn olunan Mustafanın qəbrini ziyarət edənlərin sayı da bir həftənin içərisində xeyli artdı. Bunları deməkdə bir məqsədim var, icazə verin ərz edim. Deməli, televiziya elə təbliğat vasitəsidir ki, insanlara birbaşa təsir edir, inandırır. Demək ki, cəmiyyəti formalaşdırmaq, fikirlərini düzgün istiqamətə yönəltmək də televiziya vasitəsi ilə mümkün ola bilər. Bu, çox savadlı hazırlanmış veriliş, şou proqram, yaxud da istedadla çəkilmiş serial, yaxud bədii film ola bilər. Necə ki, televiziya kanallarımızı səs yarışmaları bürüdü, respublikada oxumayan qalmadı, bircə deyəsən kənddəki nənəm yarışmalara qatılmadı.

İndi televiziyalar mətbəx şoularını efirə gətirir, indi də hamı aşpaz olmaq istəyir. Elə bil bu xalqın dərdi yalnız yemək və oxumaqdır. Kanallarda tək-tük görünən intellektual proqramlar olmasa, adamın lap bağrı çatlayar.

Görəsən nə vaxtsa kitab, mədəniyyət, incəsənət və elm proqramları reytinq qıracaqmı? “Heç vaxt” deməyin. Bəlkə mən də bir vaxtlar “Heç vaxt” deyərdim. Amma hər şey yanaşma tərzindən və məhsulun ortaya qoyuluşundan, informasiyanın düzgün çatdırılmasından asılıdır. Məsələn, tarixə baxaq. Sultan Süleyman böyük oğlu Mustafanı satqınlıqda günahlandıraraq ittiham edir və öldürtdürür. Vəssalam! Burda maraqlı nə var ki? Amma yapımçı şirkəti elə bircə bu fakt üzərində bəlkə bir gecədə neçə milyonluq tamaşaçını özünə cəlb etdi. O faktı elə təqdim etdi ki, hamıya maraqlı oldu.

Əliboş oturmaq lazım deyil. Lazımlı, vacib dəyərləri bir daha dəbə mindirmək üçün onları müasir tərzdə tamaşaçıya təqdim

etmək gərəkdir. Bir fakt qeyd edim: Keçən əsrin 70-ci illərində Amerikada psixoloq və diş həkimi peşələrinə ehtiyac yaranmışdı. Nədənsə tələbələr bu ixtisasları seçmirdilər. Dövlətdən serial çəkən şirkətlərə sifariş verdi və bu peşələri təbliğ edən seriallar çəkildi. Nəticədə bu peşələrə maraq həddindən artıq çoxaldı.

Yaxud, Amerikanın ən varlı qadınlarından olan Opra Uinfri öz şousunda yetər ki, bir kitabın müəllifinin adını çəksin, o əsər tezliklə bestseller siyahısına düşür.

Telekanallarımıza serialları çəkmək üçün məbləğ ayrıldı. Nəticə nə oldu? Hansı uğuru qazandıq? Hansı serialımız dillər əzbəri oldu? Hansında baş verən hadisə günlərlə danışıldı? Az-maz ortaya normal çıxanı oldu. Amma bu məbləğ, məsələn, birləşdirilib, bir kanala verilə bilərdi. Normal ssenari yazılar, aktyorlara normal qonorar verilər, serial çəkilə bilərdi. Hətta xarici rejissorların da təcrübəsindən yararlanmaq olardı. Öyrənmək ayıb deyil ki! Onlar bu işi bizdən daha yaxşı bacarırlar. Gənclərin həyatından bəhs edən bir serial çəkilsəydi, onda nəyi istəyirsən təbliğ etmək olardı. Kitabı da, elmi də, mədəniyyəti də, istəsən. doğru-düzgün yaşamağı da...

Amma bizim serialların sadəcə adını eşidəndə hər şey bəlli olur: “Sonuncu fəsil”, “Toy gecəsi” və s. Xarici seriallarla yoğrulmuş zövqümüzü milli seriallara kökləmək elə də asan deyil. Bunu rejissorlar da bilir. Ona görə özlərinə əziyyət vermirlər. Sadəcə televiziya vaxtını doldura biləcək seriallar çəkirlər.

news-inner-user

16772 məqalə

Oxşar xəbərlər

Xəbər lenti

“Oyaq gözəl” tamaşası onlayn göstəriləcək
19:17 21 Oktyabr 2020
Azərbaycanda yeni müsabiqə elan olundu - Şərtlər
18:36 21 Oktyabr 2020
Atamın Zəngilandakı məzarını tapa biləcəyəmmi? - Gülşən yazır...
18:15 21 Oktyabr 2020
Tamaşaçılar şarın içinə girdi - Qeyri-adi konsert
17:57 21 Oktyabr 2020
O gün uzaqda deyil - Gənc yazarın əsgərə məktubu
17:12 21 Oktyabr 2020
Torpağın dadı - Aydın Talıbzadə yazır...
16:30 21 Oktyabr 2020
Ən çox qorxu yaradan film müəyyənləşib
15:47 21 Oktyabr 2020
Həbsə atdılar, başını dibdən qırxdılar, dəlixanaya salıb Müşfiqi unutdurdular – Dilbərin məşəqqətli həyatı
15:05 21 Oktyabr 2020
Fransız səyyahın İrəvan təəssüratları yayımlanacaq
14:02 21 Oktyabr 2020
Qarabağa görə başına yaylıq bağlayan şair
13:23 21 Oktyabr 2020
Özbək şair qarabağlı qızdan poema yazdı
12:41 21 Oktyabr 2020
“Üç dəqiqə nəfəs ala bilmədim” – Zəngilanlı yazarlar qələbə sevincini bölüşür
12:00 21 Oktyabr 2020
Koronavirusa tutulan yazıçı: “Bu mövzuda on hekayə, bir roman yazmışam”
11:14 21 Oktyabr 2020
Ləpə satan qadını ağladan bayraq
10:42 21 Oktyabr 2020
Polşalı aktyor vəfat etdi
10:15 21 Oktyabr 2020
Füzulidən olan 82 yaşlı şair: “Evim dağılıbsa, kolun dibində yaşayaram” – Müsahibə
09:00 21 Oktyabr 2020
Kinematoqrafçılar İttifaqı Silahlı Qüvvələrə Yardım Fonduna ianə edib
18:44 20 Oktyabr 2020
Mahnı bitənəcən qayıdacam - Cavanşir Yusifli yazır...
18:02 20 Oktyabr 2020
Gecə yarısı bir qız məktub yazır səngərə... - Cəbhədə olan zabitdən şeirlər
17:21 20 Oktyabr 2020
Zəngilanlı aktyor: "İlk dəfədir var olduğumu hiss edirəm"
16:33 20 Oktyabr 2020