news-inner
clock13:00 calendar-gray 09 Aprel 2014 view-gray2355 dəfə oxunub
view-gray2355 dəfə oxunub

Alt paltarın bizdə qalıb, necə unudum səni?

Kulis.Az Rövşənin yeni şeirlərini təqdim edir.

Şairin arzusu

aylardan dekabr ola, günlərdən şənbə

çıxasan Eyfel qülləsinə gecənin üçündə

ciyər dolusu nəfəs alıb tüpürəsən Parisə

yerlər göylərə qalxa bir neçə saatın içində

səhər mətbuat coşub bəd xəbərlə çalxana

“Sena çayı qəfildən aşıb-daşmış bu gecə

xəbərsiz qonaq düşüb bizim yurda fəlakət

erməni xalqı kimi xain, quduz dalğalar

16 yaşlı qızı alıb-qaçmış bu gecə.”

qoca şairlərini çıxardalar ekrana

üzünə dəsmal tutub ağladıqca ağlaya

səsindəki qəzəblə ürəkləri dağlaya

gözündəki atəşlə hamını çildağlaya

deyə: bu iş bəlli ki, almanların işidi

əsirdi yağılara doğma yurd yerlərimiz

bu qədər haqsızlığa susur dünya birliyi

əgər sülh yolu ilə qaytarmasalar Nantı

qoy bilsinlər almanlar bu işin sonu qandı

sonra meydan verilsin Paris aşıqlarına

dərd nəğməyə çevrilsin insanların dilində

millət qulaq assın ürəyi kədərli,

gözləri yaşlı

dərddən dingildəyən el aşıqları oxusun zildən:

Sena çayı aşdı-daşdı

Kozettanı aldı qaçdı...

Pişik

səhər açılar-açılmaz

daldalandığı zirzəminin divarlarına

tapşırıb qaranlığı

tükləri didilmiş qara bir pişik

çıxar günəşə

içində nəğmələrin ən itkini

ən çarəsizi

burnunda süd qoxusu

harasa tələsən adamların

gözlərindəki məzlumluğu yalayıb

eyvandan atılan

qanlı bezlərin yanından keçər

insan olmaq həsrəti səngiyər bir az

tələsər

tələsər süpürgəçi Yetərin

süd qoxuyan ayaqlarına

Etiraf

icazə ver gedim

yol ver çıxım ürəyindən

çox geçikmişəm sənə

mən səndə

çəkdiyim siqaretin

qoxusu qədər qala bilərəm ancaq

yuxudasan hələ

tanımaq istəmirsən məni

həyatını yandırırsan

şirin yalanlarımın odunda

sənə bir söz deyim

məndən vəfa umma heç vaxt

unutma

saxla bu sözümü yadında

mən sənin mersedesinin

rezinindən daha etibarsızam

Necə unudum səni?

səni nəfəs-nəfəs sevdim

sevdim udum-udum səni

ürəyimi oda atsan

yandıracaq odum səni

getmə inadına minib

acı susub, acı dinib

gülsən, səninlə sevinib

ağlasan ovudum səni

ayrılıq tütəyin çalıb

gedirsən xəyala dalıb

alt paltarın bizdə qalıb

mən necə unudum səni?

Ürəyim əllərində

saçların küləyin əllərində

qalxmasın deyə paltarının ətəkləri

əllərini cütləyib tutmusan qabağına

gedirsən

gedirsən ürəyim əllərində...

Oxşar xəbərlər

Xəbər lenti

Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020
Pelevinin yeni kitabı bu tarixdə nəşr olunacaq
14:28 04 Avqust 2020
Bəy qızını qaçıran, üç övladını itirən, on dörd il sürgündə qalan Xalq artisti - Səməd Vurğun onun həyatını necə xilas etdi?
13:22 04 Avqust 2020
Anar Nağılbazı kim öldürdü?
12:33 04 Avqust 2020
"YARAT" uşaqlar üçün sərgi açdı
11:50 04 Avqust 2020
Selfi çəkərkən tarixi abidəni qırdı
10:58 04 Avqust 2020
Məşhur yazıçının hekayəsinə film çəkilir
10:10 04 Avqust 2020
Ataqamdan yeni hekayə: Dişlək alma
09:00 04 Avqust 2020
Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020