news-inner
clock17:26 calendar-gray 07 Aprel 2014 view-gray469 dəfə oxunub
view-gray469 dəfə oxunub

BSU Beynəlxalq elmi konfransa hazırlaşır

Azərbaycanın ən yeni tarixinin böyük bir dövrü Ulu Öndər Heydər Əliyevin adı ilə bağlıdır. Azərbaycana rəhbərlik etdiyi dövrdə bu dahi şəxsiyyət dövlətimizi və xalqımızı tarixin ağır və sərt sınaqlarından çıxarmış, müasir Azərbaycanın etibarlı bünövrəsini yaratmışdır. Bu illər ərzində Azərbaycan xalqının ictimai-siyasi, sosial-iqtisadi və elm-mədəni həyatının bütün sahələrində dirçəlişi Ulu Öndərin adı ilə bağlıdır.

Heydər Əliyevin yaradıcısı olduğu Bakı Slavyan Universitetində artıq beşinci ildir ki, keçirilən “Azərbaycanşünaslığın aktual problemləri” ənənəvi beynəlxalq konfransın Ümummilli Liderin anadan olmasının ildönümünə həsr olunması təsadüfi deyildir. Azərbaycanşünaslıq məfkurəsinin dövlət siyasəti səviyyəsində təzahür tapması, Azərbaycanın dünya ölkələri sırasında tanınması və layiqli yer tutması məhz Ulu Öndər Heydər Əliyevin gərgin və məqsədyönlü fəaliyyəti nəticəsində baş vermişdir.

Azərbaycan Milli Elmlər Akademiyası Rəyasət Heyətinin və Bakı Slavyan Universitetinin birgə təşkilatçılığı ilə keçiriləcək V konfransa hazırlıq işləri tamamlanmaq üzrədir. Əvvəlki konfranslardan fərqli olaraq, bu il keçiriləcək konfransın təşkilat komitəsinin işində azərbaycanlı alim və tədqiqatçılarla yanaşı, xarici ölkələrin nümayəndələri də iştirak edir. Bu günlərdə BSU-da xarici nümayəndələrin iştirakı ilə təşkilat komitəsinin növbəti iclası keçirildi.

Təşkilat komitəsinin sədri, AMEA-nın müxbir üzvü prof. Kamal Abdullayev iclası açaraq bu konfransın azərbaycançılıq ideyasının inkişafında mühüm əhəmiyyət kəsb edəcəyinə əmin olduğunu bildirdi və konfransa hazırlıq mərhələsində Təşkilat komitəsinin qarşısında duran məsələlərin həlli istiqamətində görülən işlərlə maraqlandı. İclasda Heydər Əliyev irsinin tədqidi və Azərbaycançılıq ideyasının təbliğinə, ölkəmizdə multikultural cəmiyyətin xüsusiyyətləri və millətlərarası münasibətlərin, Azərbaycan tarixi və mədəniyyətinin, dil və ədəbiyyatının aktual problemlərinin 6 bölməsinin təşkili, qonaqların qarşılanması və yerləşdirilməsi, mədəni tədbirlər planının hazırlanması, konfrans materiallarının çapı ilə bağlı məsələlər geniş müzakirə edildi.

Konfransın proqramına əsasən bir dəyirmi masa Quba şəhərində təşkil olunacaq. Bununla yanaşı, xarici qonaqların Qubanın görməli yerləri ilə tanışlığı da nəzərdə tutulmuşdur. Təşkilat komitəsinin sədri prof. K. M. Abdullayev bildirdi ki, səyahəti təşkil etməkdə məqsəd Azərbaycanın qədim tarixi ənənələrini özündə yaşadan, multikulturalizmin kiçik modeli olan Quba ilə tanışlıqdır: “Hesab edirəm ki, səyahət çərçivəsində Qubada yerləşən kütləvi soyqırım qurbanlarının məzarlığını ziyarət etmək də məqsədəuyğundur”.

Rusiya Federasiyasından təşkilat komitəsinin üzvü Ural Fedaral Universietinin professoru A. Q. Nesterov çıxışında Bakı Slavyan Universitetinin belə konfransların keçirilməsində böyük təcrübəsi olduğunu qeyd etdi. Təşkilat komitəsinin üzvləri Gürcüstan Respublikasından İ. Cavaxişvili adına Tbilisi Dövlət A. Çikobava adına Linqivistika İnstitutunun direktor müavini, prof. M. G. Mancqaladze, Türkiyə Respublikasının İzmir Ekonomi Universitetinin professoru F. Türkmən, Litva Edukoloji Universitetinin professoru V. Kavaliauskas, AMEA-nın vitse-prezidenti İ. Ə. Həbibbəyli öz çıxışlarında konfransa hazırlıq çərçivəsində görülən işlərdən danışaraq, bir sıra təkliflər irəli sürdülər. BSU-nun rektoru prof. A. A. Hacıyev səslənən təkliflərin konfransın hazırlanmasında faydalı olduğunu və qısa müddətdə həyata keçiriləcəyini bildirdi.

BSU-nun Mətbuat Xidməti

news-inner-user

15731 məqalə

Oxşar xəbərlər

Xəbər lenti

Mahatma Qandinin aforizmləri
21:02 03 İyul 2020
Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020