Azərbaycan Yazıçılar Birliyinin rəhbərliyi Azərbaycan Nəşriyyatında yerləşən “Ədəbiyyat qəzeti”nin redaksiyasında olublar. Kulis.Azın Ayb.Az saytına istinadən verdiyi məlumata görə baş redaktor vəzifəsinə yeni təyin edilmiş Elçin Hüseynbəylinin redaksiya kollektivinə təqdim edilməsi üçün toplantı təşkil olunub.

Toplantıda Azərbaycan Yazıçılar Birliyinin sədri Anar, birinci katib Fikrət Qoca, katiblər Çingiz Abdullayev, Arif Əmrahoğlu, Rəşad Məcid, mətbuat xidmətinin rəhbəri Xəyal Rza, “Ədəbiyyat qəzeti”nin yeni baş redaktoru Elçin Hüseynbəyli və qəzetin redaksiya heyəti iştirak ediblər.

AYB sədri Anar çıxış edərək keçmiş baş redaktor Ayaz Vəfalının səhhəti ilə əlaqədar öz ərizəsilə işdən azad olunduğunu və daha sonra katibliyin iclasında yekdilliklə Elçin Hüseynbəylinin baş redaktor təyin edildiyini vurğulayıb. “Elçin on ildir ki, Ulduz jurnalının” baş redaktorudur. Bu on ildə etimadları doğruldub və işinin öhdəsindən layiqincə gəlib. İnanırıq ki, yeni vəzifəsində də özünü sübut etməyi bacaracaq” deyə Anar bildirib. Daha sonra “Ədəbiyat qəzeti”nin əməkdaşları yeni baş redaktoru təbrik ediblər.

Sonda qəzetin baş redaktoru Elçin Hüseynbəyli çıxış edərək rəhbərliyə ona etimad göstərildiyi üçün minnətdarlığını bildirərək görəcəyi işlərdən söz açıb. “Ədəbiyyat qəzeti”nin istər fotmatında, istərsə də materiallarında tezliklə ciddi dəyişikliklər ediləcək.

• Bakıda “Rok-n-roll kralı”nın mahnılarından ibarət müzikl təqdim edilib
• Kino və fəlsəfə paralelini görən ilk filosof - Delöz nəyi cəfəngiyyat hesab edirdi?
• Son illərini "Qocalar evi"ndə keçirən azərbaycanlı rejissor - Onu niyə həbs etmişdilər?